മതവികാരം വ്രണപ്പെടുമെന്ന് വിമർശനം; 'ഗാഗുൽത്തായിലെ കോഴിപ്പോര്' സിനിമയുടെ പേരുമാറ്റി

സിനിമ അനൗൺസ് ചെയ്തപ്പോള്‍ മുതൽ പേരിലെ പുതുമ കൊണ്ട് ഏറെ ശ്രദ്ധ നേടിയ സിനിമയായിരുന്നു 'ഗാഗുൽത്തായിലെ കോഴിപ്പോര്'. എന്നാൽ സിനിമയുടെ പേര് മാറ്റുകയാണെന്ന് അണിയറപ്രവർത്തകർ അറിയിച്ചിരിക്കുകയാണ്. ഗാഗുൽത്ത എന്ന പേരിനൊപ്പം കോഴിപ്പോര് എന്ന് വരുമ്പോൾ
ക്രിസ്തീയ മത വികാരം വ്രണപ്പെടുന്നതായും ക്രിസ്തുമത വിശ്വാസികളെ വളരെ മോശമായി ബാധിക്കും എന്ന തരത്തിലുളള ഒരു വാദം ഫിലിം ചേംബറിൽ നിന്നും വന്നതിനാലാണ് പേര് മാറ്റിയിരിക്കുന്നതെന്നാണ് അണിയറപ്രവർത്തകര്‍ വ്യക്തമാക്കിയിരിക്കുന്നത്. ഇത് പ്രകാരം സിനിമയുടെ പേര് 'കോഴിപ്പോര്' എന്ന് മാത്രമാക്കി മാറ്റിയിരിക്കുകയാണ്.
ഇന്ദ്രൻസ്, പൗളി വത്സൻ, സോഹൻ സീനുലാൽ, ജോളി ചിറയത്ത്, നവജിത് നാരായണൻ, ജിനോയ് ജനാർദ്ദനൻ, പ്രവീൺ, അസീസ് നെടുമങ്ങാട്, ബിറ്റോ ഡേവിസ്, ശങ്കർ ഇന്ദുചൂഡൻ, സരിൻ, ജിബിറ്റ് ജോർജ്, അഞ്ജലി നായർ, ഷൈനി സാറാ, രശ്മി അനിൽ, വീണ നന്ദകുമാർ, നന്ദിനി ശ്രീ തുടങ്ങിയവരാണ് ചിത്രത്തിലെ പ്രധാന താരങ്ങള്‍. ജെ. പിക് മൂവിസിന്‍റെ ബാനറിൽ വി.ജി ജയകുമാർ നിർമ്മിച്ചിരിക്കുന്ന ചിത്രം സംവിധാനം ചെയ്തിരിക്കുന്നത് ജിബിറ്റ്, ജിനോയ് എന്നീ നവാഗതര്‍ ചേര്‍ന്നാണ്.
തിരക്കഥ, സംഭാഷണം - ജിനോയ് ജനാർദ്ദനൻ, ക്യാമറ - രാഗേഷ് നാരായണൻ, എഡിറ്റർ - അപ്പു എൻ. ഭട്ടതിരി, സംഗീതം, പശ്ചാത്തല സംഗീതം - ബിജിബാൽ, ആർട്ട് - മനു ജഗദ്, കളറിംഗ് - അർ . മുത്തുരാജ്, കോസ്റ്റ്യും - അരുൺ രവീന്ദ്രൻ, മേക്കപ്പ് - ജിത്തു പയ്യന്നൂർ, ഡിസൈൻസ് - ഷിബിൻ സി. ബാബു, പ്രൊഡ. കൺട്രോളർ - എൽദോസ് സെൽവരാജ്, പി. ആർ .ഒ - എ. എസ് . ദിനേശ് എന്നിവരുമാണ്.