'ടിയാന്‍റെ' ഒഫീഷ്യൽ ഇൻട്രോ ടീസര്‍ പുറത്തുവിട്ടു

പ്രേക്ഷകരുടെ കാത്തിരിപ്പിന് വിരാമമിട്ടുകൊണ്ട് പൃഥ്വിരാജും ഇന്ദ്രജിത്തും മുരളി ഗോപിയും ഒന്നിക്കുന്ന ടിയാന്‍റെ ടീസര്‍ പുറത്തുവിട്ടു. പൃഥ്വിരാജും ഇന്ദ്രജിത്തും ടീസറിലെ രംഗങ്ങളിലുണ്ട്. വ്യത്യസ്തമായ വേഷത്തിലാണ് പൃഥ്വി ചിത്രത്തിലെത്തുന്നത്.

മുരളിഗോപിയാണ് ചിത്രത്തിന് തിരക്കഥ ഒരുക്കിയിരിക്കുന്നത്. നവാഗതനായ കൃഷ്ണകുമാറാണ് ചിത്രം സംവിധാനം ചെയ്യുന്നത്. അസ്‍‍ലൻ മുഹമ്മദ് എന്ന കഥാപാത്രത്തെയാണ് പൃഥ്വി ചിത്രത്തില്‍ അവതരിപ്പിക്കുന്നത്. രമാകാന്ത് മഹാഷേ എന്ന കഥാപാത്രമായി മുരളി ഗോപി എത്തുന്നു. പട്ടാഭി രാമൻ എന്ന ശക്തമായ കഥാപാത്രത്തെ ഇന്ദ്രജിത്ത് അവതരിപ്പിക്കുന്നു.

റെഡ് റോസ് ക്രിയേഷന്‍സിന്‍റെ ബാനറില്‍ ഹനീഫ് മുഹമ്മദ് നിര്‍മ്മിക്കുന്ന ചിത്രത്തിന്‍റെ ഛായാഗ്രഹണം സതീഷ് കുറുപ്പ് നിര്‍വ്വഹിക്കുന്നു. സിനിമയിലെ ഗാനങ്ങള്‍ക്ക് ഈണം പകരുന്നത് ഗോപി സുന്ദറാണ്.




Tiyan's New Official Charecter Intro Video

Prithviraj-Indrajith New Movie Tiyan's New Official Charecter Intro Video released