ടോവിനോ നായകനാകുന്ന 'ഒരു കുപ്രസിദ്ധ പയ്യൻ': സംവിധാനം മധുപാൽ; നിമിഷ നായിക

ചെറിയ ഇടവേളയ്ക്കു ശേഷം മധുപാൽ സംവിധാനരംഗത്തേക്ക് വീണ്ടുമെത്തുന്നു. ടോവിനോയെ നായകനാക്കി മധുപാൽ ഒരുക്കുന്ന ചിത്രത്തിന് 'ഒരു കുപ്രസിദ്ധ പയ്യൻ' എന്ന് പേരിട്ടു. ജീവൻ ജോബ് തോമസാണ് സിനിമയുടെ തിരക്കഥയും സംഭാഷണവും നിർവഹിച്ചിരിക്കുന്നത്. നൗഷാദ് ഷെരീഫ് ആണ് ചിത്രത്തിനായി ക്യാമറ കൈകാര്യം ചെയ്യുന്നത്.



ദിലീഷ് പോത്തൻ ഒരുക്കിയ തോണ്ടി മുതലും ദൃക്‌സാക്ഷിയും എന്ന ചിത്രത്തിലൂടെ പ്രേക്ഷക പ്രശംസ നേടിയെടുത്ത നിമിഷ സജയനാണ് ചിത്രത്തിലെ നായിക. ശ്രീകുമാരൻ തമ്പി ഒരുക്കിയിരിക്കുന്ന വരികൾക്ക് ഔസേപ്പച്ചൻ ഈണം പകർന്നിരിക്കുന്നു.