'ഉയരെ'യ്ക്ക് ശേഷം മനു അശോകൻ; ടൊവിനോയും ഐശ്വര്യയും ഒന്നിക്കുന്ന 'കാണെക്കാണെ'

ട്രാഫിക്, അയാളും ഞാനും തമ്മിൽ, മുംബൈ പോലീസ്, ഹൗ ഓള്‍ഡ് ആര്‍ യു, കായംകുളം കൊച്ചുണ്ണി, ഉയരെ ഉള്‍പ്പെടെ ഒട്ടേറെ മികച്ച ചിത്രങ്ങൾക്ക് തിരക്കഥയൊരുക്കിയിട്ടുള്ള ബോബി-സഞ്ജയ്‌ ടീമാണ് തിരക്കഥയൊരുക്കുന്നത്. പ്രേം പ്രകാശ്, റോണി ഡേവിഡ് രാജ് എന്നിവരും ചിത്രത്തിൽ പ്രധാന വേഷങ്ങളില്‍ എത്തുന്നുണ്ട്.

ആല്‍ബി ആന്‍റണി ഛായാഗ്രഹണവും അഭിലാഷ് ചന്ദ്രന്‍ എഡിറ്റിംഗും നിര്‍വ്വഹിക്കുന്നു. ജോസഫിലൂടെ ശ്രദ്ധിക്കപ്പെട്ട രഞ്ജിന്‍ രാജാണ് ചിത്രത്തിന് സംഗീതം ഒരുക്കുന്നത്. 1983, ക്വീൻ എന്നീ ബ്ലോക്ക്ബസ്റ്റർ ചിത്രങ്ങൾ മലയാള സിനിമയ്ക്ക് സമ്മാനിച്ച ഡ്രീം കാച്ചര്‍ പ്രൊഡക്ഷൻസിന്‍റെ ബാനറിൽ ടി ആർ ഷംസുദ്ദീനാണ് ചിത്രം നിര്‍മ്മിക്കുന്നത്.

Also Read: 'ദ്രോഹം' ഏതറ്റം വരെ പോവും എന്നറിയില്ല, ഈ കുറിപ്പിനും സൈബർ ആക്രമണം ഉണ്ടായേക്കാം; റോഷൻ്റെ അഭിമുഖം എഴുതിയ ലേഖിക പറയുന്നു!

'ആസ് യു വാച്ച്' എന്ന ടാഗ് ലൈനോടുകൂടിയാണ് പോസ്റ്റര്‍ നിരവധി താരങ്ങൾ സോഷ്യൽമീഡിയയിൽ പങ്കുവെച്ചിരിക്കുന്നത്. ചിത്രം ക്രൈം ത്രില്ലര്‍ ആണെന്നാണ് ടൈറ്റില്‍ പോസ്റ്റര്‍ നല്‍കുന്ന സൂചന. ബോബി-സഞ്ജയ് തിരക്കഥയൊരുക്കിയ ഒടുവിലത്തെ ചിത്രം എവിടെ ആയിരുന്നു. മമ്മൂട്ടിയുടെ പുതിയ ചിത്രം വണ്ണിന്‍റെ തിരക്കഥയൊരുക്കുന്നതും ഇവരാണ്.

വിനായക് ശശികുമാര്‍ ഗാന രചന, സൗണ്ട് ഡിസൈൻ വിഷ്ണു ഗോവിന്ദ്, ശ്രീ ശങ്കർ. കല ദിലീപ് നാഥ്, ശ്രേയ അരവിന്ദ് വസ്ത്രാലങ്കാരം, മേക്കപ്പ് ജയൻ പൂങ്കുന്നം, പ്രൊഡക്ഷൻ കൺട്രോളർ ഷബീർ പെരിന്തൽമണ്ണ, ചീഫ് അസ്സോസിയേറ്റ് ഡയറക്ടർ സനീഷ് സെബാസ്റ്റ്യൻ, പരസ്യകല ഓൾഡ് മോങ്ക്സ്, പിആർഒ മഞ്ജു ഗോപിനാഥ് എന്നിവരാണ്.

Also Read: കാലുകളെ ആർക്കാണ് പേടി? 'വീ ഹാവ് ലെഗ്സ്' കാമ്പയിനൊപ്പം ചേർന്ന് ഗൃഹലക്ഷ്മിയും; വൈറലായി എസ്തറിൻ്റെ ചിത്രവും!