രഞ്ജു രഞ്ജിമറിന്‍റെ സംവിധാന അരങ്ങേറ്റം; 'കൂട്ടിക്കൂറ'യുടെ സ്വിച്ച് ഓൺ നിർവ്വഹിച്ച് ലാൽ ജോസ്

രഞ്ജുവിന് 18-ാം വയസ്സിൽ ഉണ്ടായ ഒരു അനുഭവത്തിന്‍റെ പശ്ചാത്തലത്തിലാണ് സിനിമയൊരുക്കുന്നത്. നവംബർ 27ന് രഞ്ജുവിന്‍റെ ജന്മദിനത്തിൽ സിനിമ പുറത്തിറക്കാനിരിക്കുകയാണ്. മാതൃത്വം വിഷയമാക്കിയാണ് സിനിമയൊരുക്കുന്നത്.

സിനിമയുടെ പൂജയും സ്വിച്ച് ഓൺ ചടങ്ങും രഞ്ജുവിന്‍റെ വീട്ടിൽ വെച്ചാണ് നടന്നത്. സംവിധായകൻ ലാൽ ജോസാണ് ഈ കർമ്മം നിർവ്വഹിച്ചത്. ഇപ്പോഴിതാ ഫിലിം ഗ്രൂപ്പുകളിൽ ഇത് ചർച്ചയായിരിക്കുകയാണ്. ട്രാൻസ് ഐഡൻറിറ്റിയുള്ളവരെ 'ചാന്തുപൊട്ട്' എന്ന പേര് വ്യാപകമായി വിളിച്ച് തുടങ്ങിയത് ലാൽ ജോസ് സംവിധാനം ചെയ്ത ചാന്തുപൊട്ട് സിനിമയ്ക്ക് ശേഷമാണ്. ഇപ്പോൾ അദ്ദേഹം ഒരു ട്രാൻസ് ജെൻഡർ സംവിധായികയുടെ സിനിമയുടെ സ്വിച്ച് ഓൺ കർമ്മം നിർവഹിച്ച് ആ പാപഭാരം കഴുകിയോ എന്നാണ് ചിലർ സിനിമാ ഗ്രൂപ്പുകളിൽ കുറിച്ചിരിക്കുന്നത്.

Also Read: രഞ്ജു രഞ്ജിമാർ ഇനി സംവിധായിക; ആദ്യ ചിത്രം 'കുട്ടിക്കൂറ' ജന്മദിനത്തിൽ

പതിനെട്ടാം വയസിൽ രഞ്ജു ഒരു വീട്ടിൽ ജോലിക്ക് നിന്നപ്പോള്‍ അവിടെയുണ്ടായിരുന്ന ഇളയ കുഞ്ഞുമായി വലിയ ആത്മബന്ധമുണ്ടായിരുന്നു. വര്‍ഷങ്ങള്‍ കഴിഞ്ഞു. ഇപ്പോള്‍ അവരെവിടെയാണെന്ന് പോലും അറിയില്ലാത്ത സാഹചര്യമായി, ഏറെ അന്വേഷിച്ചെങ്കിലും കണ്ടുകിട്ടിയിരുന്നില്ല. ആ ഓർമ്മകളിലൂടെ കുട്ടിക്കൂറ എന്ന പേരിൽ സിനിമയൊരുക്കുന്നതെന്നാണ് സിനിമയെ കുറിച്ച് രഞ്ജുവിന്‍റെ വാക്കുകള്‍.

രഞ്ജുവും സുഹൃത്ത് ഹരിണി ചന്ദനയും മറ്റ് പുതുമുഖങ്ങളും സിനിമയിൽ അഭിനയിക്കുന്നുണ്ട്. അങ്കമാലിയിൽ സ്വന്തമായി മേക്കപ്പ് സ്റ്റുഡിയോ നടത്തുന്നുണ്ട് ഇപ്പോള്‍ രഞ്ജു, രണ്ട് പതിറ്റാണ്ടായി സിനിമാലോകത്ത് മേക്കപ്പ് ആര്‍ട്ടിസ്റ്റായുണ്ട്. അതോടൊപ്പം ട്രാൻസ്ജെൻഡർ സമൂഹത്തിനായി നിലകൊള്ളുന്നയാളുമാണ് സെലിബ്രിറ്റി മേക്ക് അപ്പ് ആര്‍ട്ടിസ്റ്റ്, സിനിമാപ്രവർത്തക, ട്രാൻസ്ഡെൻഡർ ആക്ടിവിസ്റ്റ്, മോഡൽ തുടങ്ങി വിവിധ നിലകളിൽ ശ്രദ്ധേയയായിട്ടുള്ള രഞ്ജു.

Also Read: അബു സലീം നായക വേഷത്തിലെത്തുന്ന ചിത്രം; ആശംസകളുമായി രാഹുൽ ഗാന്ധി