ദുരൂഹത നിറച്ച്‌ ഫഹദിന്‍റെ 'വരത്തന്‍' ട്രെയിലര്‍

അമൽ നീരദിന്‍റെ സംവിധാനത്തില്‍ ഫഹദ് ഫാസിലും ഐശ്വര്യ ലക്ഷ്മിയും കേന്ദ്രകഥാപാത്രങ്ങളായെത്തുന്ന ചിത്രം വരത്തന്‍റെ ട്രെയിലര്‍ പുറത്തുത്ത്. ആകാംക്ഷയും ദുരൂഹതയും നിറഞ്ഞുനില്‍ക്കുന്നതാണ് ട്രെയിലര്‍. അന്‍വര്‍ റഷീദും നസ്രിയയും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. രണ്ട് വ്യത്യസ്ത ഗെറ്റപ്പിലാണ് ചിത്രത്തില്‍ ഫഹദ്.


പറവ, കൂടെ സിനിമകളുടെ ക്യമറ ചലിപ്പിച്ച ലിറ്റില്‍ സ്വയമ്പാണ് ക്യാമറ കൈകാര്യം ചെയ്തിരിക്കുന്നത്. വിവേക് ഹര്‍ഷന്‍ എഡിറ്റിംഗും ശ്യാം സംഗീതവും നിര്‍വഹിച്ചിരിക്കുന്നു. സുഹാസ്, ഷറഫു എന്നിവര്‍ ചേര്‍ന്നാണ് ചിത്രത്തിന് തിരക്കഥയെഴുതിയിരിക്കുന്നത്. ചിത്രം സെപ്റ്റംബര്‍ 20ന് തിയേറ്ററുകളിലെത്തും.