വിജയ് ആന്‍റണിയും സൂരജ് പോപ്സും ഒന്നിക്കുന്ന 'വിജയരാഘവന്‍' 5 ഭാഷകളിൽ
ബാഹുബലിയിൽ വില്ലനായെത്തി ശ്രദ്ധേയനായ പ്രഭാകർ, കുമ്പളങ്ങി നൈറ്റ്സിലൂടെ ശ്രദ്ധിക്കപ്പെട്ട സൂരജ് പോപ്സ് എന്നിവർ പ്രതിനായക വേഷത്തിലെത്തുന്ന സിനിമയുടെ ടീസർ പുറത്തിറങ്ങിയിരിക്കുകയാണ്
Samayam Malayalam2 Jan 2021, 4:32 pm
വിജയ് ആന്‍റണിയെ നായകനാക്കി ആനന്ദ കൃഷ്ണന്‍ സംവിധാനം ചെയ്യുന്ന 'വിജയരാഘവന്‍' എന്ന സിനിമയുടെ ടീസര്‍ പുറത്തിറങ്ങി. തമിഴിന് പുറമേ തെലുങ്ക്, കന്നഡ, മലയാളം, ഹിന്ദി എന്നീ ഭാഷകളിലും ഈ ചിത്രം നിര്‍മ്മിക്കുന്നതിനാല്‍ അതാത് ഭാഷകളില്‍ ടീസര്‍ അവതരിപ്പിച്ചിട്ടുണ്ട്. ആത്മികയാണ് ചിത്രത്തിലെ നായിക. കുമ്പളങ്ങി നൈറ്റ്സിലൂടെ ശ്രദ്ധേയനായ സൂരജ് പോപ്സ്, ബാഹുബലിയിലൂടെ ശ്രദ്ധ നേടിയ പ്രഭാകര്‍ തുടങ്ങി നിരവധി താരങ്ങളാണ് സിനിമയിൽ അണിനിരക്കുന്നത്.
സംഗീത സംവിധായകനായി സിനിമാ ലോകത്തെത്തിയ വിജയ് ആന്‍റണി ഗായകൻ, നിര്‍മ്മാതാവ്, എഡിറ്റര്‍, നടൻ എന്നീ നിലകളിൽ കഴിവ് തെളിയിച്ചിട്ടുണ്ട്. പിച്ചൈക്കാരൻ, സൈത്താൻ, യമൻ, അണ്ണാദുരൈ, കാളി തുടങ്ങി നിരവധി സിനിമകളിൽ ശ്രദ്ധേയ വേഷത്തിൽ എത്തിയിട്ടുണ്ട്.
ഇന്‍ഫിനിറ്റി ഫിലിംസ് വെന്‍ചേര്‍സ് അവതരിപ്പിക്കുന്ന ചേണ്ടൂര്‍ഫിലിം ഇന്‍റര്‍നാഷണലിന്‍റെയും ടി ഡി രാജയുടേയും ബാനറില്‍ ടി ഡി രാജയും, ഡി ആര്‍ സഞ്ജയ് കുമാറും ചേര്‍ന്ന് നിര്‍മ്മിക്കുന്ന 'വിജയ രാഘവന്‍' സിനിമയുടെ ഛായാഗ്രഹണം എന്‍ എസ് ഉദയകുമാര്‍ നിര്‍വ്വഹിക്കുന്നു. Also Read: കലാഭവൻ നവാസിന്‍റെ മകള്‍ നഹറിൻ അഭിനയിച്ച 'കൺഫെഷൻസ് ഓഫ് എ കുക്കൂ' റിലീസിന്
സംഗീതം നിവാസ് കെ പ്രസന്ന, എഡിറ്റര്‍ വിജയ് ആന്‍റണി, കോ പ്രൊഡ്യൂസര്‍സ് കമല്‍ ബോഹ്‌റ, ലളിത ധനഞ്ജയന്‍, ബി പ്രദീപ്, പങ്കജ് ബൊഹ്‌റ, എസ വിക്രം കുമാര്‍, ഡിസൈന്‍ ശിവ ഡിജിറ്റല്‍ ആര്‍ട്, പി ആര്‍ ഒ എ എസ് ദിനേശ് എന്നിവരാണ്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
