തെറിയുടെ ട്രെയിലർ: ആക്ഷൻ, റൊമാന്‍റിക് വേഷത്തിൽ വിജയ്

ജോസഫ് കുരുവിള, വിജയ് കുമാർ എന്നീ രണ്ട് കഥാപാത്രങ്ങളായി വിജയ്. ആവശ്യത്തിന് ആക്ഷനും റൊമാൻസും സെന്‍റിമെന്‍റ്സും. ഇതാണ് വിജയുടെ അൻപത്തിയൊമ്പതാമത് ചിത്രം തെറി. വിജയ് ആരാധകർക്ക് ആവേശമായി ചിത്രത്തിന്‍റെ ട്രെയില‍ർ പുറത്തിറങ്ങി. നടി മീനയുടെ മകൾ ബേബി നൈനികയാണ് ചിത്രത്തിന്‍റെ മറ്റൊരു ആകർഷണം. മികച്ച ഗായിക കൂടിയായ നൈനിക വിജയുടെ മകളുടെ വേഷത്തിലാണ് ചിത്രത്തിൽ. എമി ജാക്സൻ, സമാന്ത എന്നിവരാണ് ചിത്രത്തിലെ നായികമാർ. രാജാറാണി എന്ന സൂപ്പർഹിറ്റിന് ശേഷം ആറ്റ്ലി സംവിധാനം ചെയ്യുന്ന ചിത്രമാണ് തെറി. ​ബോക്സ് ഓഫീസിൽ കൂപ്പുകുത്തിയ പുലി എന്ന ചിത്രത്തിന് ശേഷം പുറത്തിറങ്ങുന്ന വിജയ് ചിത്രമാണ് തെറി.