നൂറ് കോടി നേട്ടത്തിൽ 'മാസ്റ്റര്‍'; റിലീസിനൊരുങ്ങി 20 സിനിമകൾ

കൊവിഡ് പ്രതിസന്ധിക്ക് ശേഷം പത്ത് മാസത്തോളം നീണ്ട ഇടവേള കഴിഞ്ഞ് ജനുവരി 13നാണ് കേരളത്തിലെ തിയറ്ററുകള്‍ തുറന്നത്. ദളപതി വിജയ് ചിത്രം 'മാസ്റ്റര്‍' ആണ് ആദ്യ റിലീസായെത്തിയത്. റിലീസ് ചെയ്ത് 4 ദിവസത്തിനുള്ളിൽ 100 കോടി വേള്‍ഡ് വൈഡ് കളക്ഷൻ നേടിയിരിക്കുകയാണ്. മാസ്റ്റർ ഉണ്ടാക്കിയ തരംഗം മുതലാക്കാനായി നിരവധി മലയാള സിനിമകളും റിലീസിനൊരുങ്ങുകയാണെന്നാണ് റിപ്പോര്‍ട്ട്.

Also Read: പിന്നേയും ചെറുപ്പമായല്ലോ! വെെറലായി മോഹന്‍ലാലിന്റെ പുതിയ ചിത്രം

ജനുവരി, ഫെബ്രുവരി, മാര്‍ച്ച് മാസങ്ങളിലായി മലയാളത്തിൽ ഇരുപതോളം ചിത്രങ്ങളാണ് റിലീസിനായി ഒരുങ്ങുന്നത്. മെഗാസ്റ്റാര്‍ മമ്മൂട്ടിയുടെ 'ദ് പ്രീസ്റ്റ്' ഉള്‍പ്പെടെ നിരവധി സിനിമകളുടെ റിലീസ് തീയതികള്‍ സഹിതം ഫിലിം പ്രൊഡ്യൂസേഴ്‌സ് അസോസിയേഷന്‍ തീയേറ്ററുകള്‍ക്ക് വിവരം നൽകിയതായാണ് വിവരം.

വെള്ളം - ജനുവരി 22, സുമേഷ് ആൻഡ് രമേഷ് - ജനുവരി 22, ദൃശ്യം 2 - ജനുവരി 26,
വാങ്ക് - ജനുവരി 29, ലൗ - ജനുവരി 29, മരട് 357 - ഫെബ്രുവരി 19, മരക്കര്‍ അറബിക്കടലിന്‍റെ സിംഹം - മാര്‍ച്ച് 26, മാലിക് - മെയ് 13, തുറമുഖം - മെയ് 13, ഓപ്പറേഷൻ ജാവ - ഫെബ്രുവരി 12 തുടങ്ങി നിരവധി സിനിമകളാണ് തീയേറ്ററുകളിലും ഒടിടിയിലുമായി വരും ദിവസങ്ങളിൽ റിലീസിനെത്താനിരിക്കുന്നത്.

Also Read: നാല് പേരെ ബ്ലൂ ഫിലിം എടുത്തതിന് പുറത്താക്കി എന്നാണ് ആദ്യം കേട്ടത്! അതിലൊരാള്‍ ജിയോ ബേബി ആയിരുന്നു

തീയേറ്ററുകളിലെത്തുന്ന ചിത്രങ്ങളുടെ വിജയ പരാജയങ്ങള്‍ കൂടി കണക്കിലെടുത്ത് തീയേറ്റര്‍ റിലീസ് തീയതികളിൽ മാറ്റം വരാം. ഇന്ത്യ മുഴുവൻ കൊവിഡ് വാക്‌സീന്‍ വിതരണം ആരംഭിച്ചതും മലയാള സിനിമാ മേഖലയ്ക്ക് പുത്തനുണർവ് നൽകിയിട്ടുമുണ്ട്.

Also Watch :