തീയേറ്റർ റിലീസിനൊരുങ്ങി 'വാങ്ക്'; ജനുവരി 29 ന് പ്രേക്ഷകരിലേക്കെത്തും!

സിനിമാ ചരിത്രത്തിൽ ആദ്യമായിട്ടാണ് ഒരു വനിതയുടെ രചനയിൽ മറ്റൊരു വനിത സംവിധാനം ചെയ്യുന്നത്. സെവൻ ജെ ഫിലിംസിന്റെയും ഷിമോഗ ക്രിയേഷൻസിന്റെയും ബാനറിൽ സിറാജുദ്ദീൻ ഉം ഷെബീർ പത്താനും ചേർന്ന് നിർമിക്കുന്ന ചിത്രത്തിന്റെ പ്രോജക്ട് ഡിസൈനർ ബാദുഷ ആണ്.

ഉണ്ണി ആറും ട്രെൻസ് ആഡ് ഫിലിം മേക്കേഴ്സ് പ്രൈവറ്റ് ലിമിറ്റഡ് ആണ് വാങ്കിന്റെ സഹ നിർമാതാക്കൾ. മേജർ രവിയുടെ മകൻ അർജുൻ രവിയാണ് ചായാഗ്രഹണം കൈകാര്യം ചെയ്യുന്നത്. തണ്ണീർമത്തൻ ദിനങ്ങൾ ലൂടെ പ്രശസ്തയായ അനശ്വര രാജൻ, ഗപ്പി ക്ക് ശേഷം നന്ദന വർമ്മ, വിനീത്, ഗോപിക രമേശ്, മീനാക്ഷി ഉണ്ണി കൃഷ്ണൻ എന്നിവരാണ് ചിത്രത്തിൽ പ്രധാന വേഷം കൈകാര്യം ചെയ്യുന്നത്.

കൂടാതെ ജോയ് മാത്യു മേജർ രവി, ശ്രീകാന്ത് മുരളി, പ്രകാശ് ബാരെ, സിറാജുദ്ദീൻ, വിജയൻ വി നായർ, ശബ്ന മുഹമ്മദ്, സരസ ബാലുശ്ശേരി, തസ്നി ഖാൻ, ദർശൻ, സാക്കിബ് തുടങ്ങിയവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നത്. പൊന്നാനി, വടക്കേക്കാട്, കുന്നംകുളം, വഴനി ഡാം എന്നിവിടങ്ങളിലായാണ് ചിത്രത്തിന്റെ ഷൂട്ടിങ് പൂർത്തിയാക്കിയത്.

പി എസ് റഫീഖിന്റെ വരികൾക്കു ഔസേപ്പച്ചൻ സംഗീതം പകർന്നിരിക്കുന്നു. എഡിറ്റിംഗ് സുരേഷ് യുആർ എസ് ആണ് നിർവ്വഹിക്കുന്നത്. ചീഫ് അസോസിയേറ്റ് ഡയറക്ടർ കെ ജെ വിനയൻ. ട്രെയിലർ കട്ട്സ് ഡോൺ മാക്സ്. കലാസംവിധാനം ബാവ, വസ്ത്രാലങ്കാരം ലിജി പ്രേമൻ. മേക്കപ്പ് രാജേഷ് നെന്മാറ. പ്രൊഡക്ഷൻ കൺട്രോളർ റിച്ചാർഡ്. സ്റ്റിൽസ് നവീൻ മാനിക്. മാർക്കറ്റിംഗ് സംഗീതജയചന്ദ്രൻ. ഡിസൈൻ മാമി ജോ. പി ആർ ഒ.എം കെ ഷെജിൻ ആലപ്പുഴ