'ഒപ്പന'യ്ക്കായി വിനീത് ശ്രീനിവാസൻ ആലപിച്ച മൊഞ്ചുള്ള ഗാനം

വിനീത് ശ്രീനിവാസൻ ആലപിച്ച പുതിയ മാപ്പിളഗാനം വൈറലാകുന്നു. മൊഹബത്തിൻ പുതുനിലവാകെ പൂത്ത പനിമലരുകൾ പോലെ എന്ന് തുടങ്ങുന്ന ഗാനമാണ് ഇപ്പോൾ സോഷ്യൽ മീഡിയ കീഴടക്കുന്നത്. ഷഹദ് സംവിധാനം ചെയ്യുന്ന ഹ്രസ്വ ചിത്രമായ ഒപ്പനയിലെ ഗാനമാണിത്. ഒപ്പനയുടെ പോസ്റ്റര്‍ റിലീസ് ചെയ്തപ്പോൾ മുതൽ തന്നെ ഏവരും ആകാംഷയോടെ കാത്തിരിക്കുന്ന ഹ്രസ്വചിത്രമാണ് ഒപ്പനയെന്ന് അണിയറ പ്രവര്‍ത്തകര്‍ ചൂണ്ടിക്കാട്ടുന്നുണ്ട്.

മലബാറിൻ്റെ പശ്ചാത്തലത്തിലൊരുക്കിയിരിക്കുന്ന ചിത്രം ഒരു പ്രണയ കഥയാണ് പറയുന്നതെന്ന് വീഡിയോ ഗാനത്തിൽ നിറച്ചിരിക്കുന്ന ചിത്രങ്ങളിൽ നിന്ന് വ്യക്തമാണ്. ഹ്രസ്വചിത്രത്തിലെ ഗാനത്തിൻ്റെ ലിറിക്കൽ വീഡിയോ ആണ് അണിയറപ്രവര്‍ത്തകര്‍ പുറത്ത് വിട്ടിട്ടുള്ളത്. വിനീത് തൻ്റെ ഔദ്യോഗിക ഫേസ്ബുക്ക് പേജിലൂടെയാണ് ഈ ഗാനം പുറത്ത് വിട്ടിരിക്കുന്നത്. മലബാർ തനിമയും പ്രണയവും നിറച്ച ഗാനമാണ് "മൊഹബത്തിൻ" എന്ന് തുടങ്ങുന്ന മെലഡി.

Also Read: 'പട്ടാഭിരാമൻ' നല്ലൊരു സന്ദേശമാണ് സമൂഹത്തിനു നൽകുന്നതെന്ന് ഭക്ഷ്യമന്ത്രി


Also Read: ഇത് ആ അനിത തന്നെയോ?; നടിയുടെ പുതിയ ചിത്രം കണ്ടവര്‍ അമ്പരന്നു!

ബ്ലൂ പ്ലാനറ്റ് സിനിമയുടെ ബാനറിൽ കെ പി രവിശങ്കറും, ശരത് എ ഹരിദാസനും ചേര്‍ന്നാണ് ഈ ചിത്രം നിർമ്മിച്ചിരിക്കുന്നത്. ചിത്രത്തിൻ്റെ ക്യാമറ നിർവഹിച്ചിരിക്കുന്നത് വിഷ്ണു പ്രസാദാണ്. ജോയൽ ജോൺസ് സംഗീത സംവിധാനവും റ്റിറ്റൊ പി തങ്കച്ചൻ വരികൾ എഴുതുകയും ചെയ്തിരിക്കുന്നു.

അജ്മൽ സാബുവാണ് ചിത്രസംയോജനം നിര്‍വ്വഹിച്ചിരിക്കുന്നത്. മിഥുൻ, അതുല്യ, പ്രണവ് യേശുദാസ്, അഞ്ജലി നായർ, സാംസൺ,പോൾ വർഗീസ്, ഗംഗ ജി നായർ, വിജയകൃഷ്ണൻ,ദിനേശ് ദാമോദർ, അബ്ദുറഹിമാൻ കടവത്ത്, ഷെരിഫ്, അഭിലാഷ് കാളിപ്പറമ്പിൽ തുടങ്ങിയവരാണ് ഈ ഹ്രസ്വ ചിത്രത്തിലെ പ്രധാന കഥപാത്രങ്ങളെ അവതരിപ്പിച്ചിരിക്കുന്നത്. വൈകാതെ ഒപ്പന പ്രേക്ഷകരിലേക്കെത്തുമെന്ന് അണിയറപ്രവര്‍ത്തകര്‍ അറിയിച്ചു.

Also Read: ഇനി അഭിനയിക്കാനില്ല; മരിക്കുന്നതിന് തലേദിവസം സൗന്ദര്യ പറഞ്ഞു