കേരളക്കരയെ മുൾമുനയിൽ നിര്ത്തിയ നിപ വൈറസ് ബാധ പശ്ചാത്തലമാക്കി ആഷിഖ് അബു ഒരുക്കുന്ന മൾട്ടി സ്റ്റാര് ചിത്രമായ 'വൈറസി'ൻ്റെ വൻ വിജയത്തിൽ താരങ്ങളെല്ലാം ആഹ്ലാദത്തിലാണ്. അതിനിടെ താരങ്ങളുടെ സംയുക്ത അഭിമുഖത്തിൽ സെന്തിൽ കൃഷ്ണയുടെ ചോദ്യത്തിന് മറുപടിയായി നടൻ ഇന്ദ്രൻസ് നൽകിയ തഗ്ലൈഫ് റിപ്ലേ സോഷ്യൽ മീഡിയയിൽ വൈറലാകുകയാണ്..
‘വൈറസിന് ഒരു കോസ്റ്റ്യൂം തയാറാക്കാൻ ആവശ്യപ്പെട്ടാൽ എന്താകും ഇന്ദ്രൻസേട്ടൻ ഉണ്ടാക്കുക’ എന്ന സെന്തിൽ കൃഷ്ണയുടെ കുസൃതി കലര്ന്ന ചോദ്യത്തിന് ഇന്ദ്രൻസ് നൽകിയ മറുപടി ഇതായിരുന്നു. ആദ്യം ചോദ്യം കേട്ട് ചിരിച്ച അദ്ദേഹം പിന്നാെലെ സ്വതസിദ്ധമായ ശൈലിയിൽ ഇങ്ങനെ പറഞ്ഞു‘ നീ ആദ്യം വൈറസിനെ പിടിച്ച് അളവെടുക്കാൻ എൻ്റെ മുന്നിൽ നിർത്തി താ’.
ചുറ്റുമിരുന്ന താരങ്ങളെല്ലാം വലിയ ഹര്ഷാരവത്തോടെയാണ് ഈ മറുപടിയെ വരവേറ്റത്. ഇന്ദ്രൻസിൻ്റെ മറുപടി ടൊവീനോയും ചാക്കോച്ചനും അടക്കമുള്ള പല താരങ്ങളും ഇൻസ്റ്റാഗ്രാമിൽ സ്റ്റോറിയായി പങ്കു വെക്കുകയും ചെയ്തതോടെയാണ് കൂടുതൽ ശ്രദ്ധേയമായത്.