വിശാൽ, തമന്ന, ഐശ്വര്യ ലക്ഷ്മി ഒന്നിക്കുന്ന 'ആക്ഷൻ' ടീസർ

വിശാലിനും തമന്നക്കുമൊപ്പം ഐശ്വര്യ ലക്ഷ്‌മി അഭിനയിക്കുന്ന 'ആക്ഷൻ' എന്ന ചിത്രത്തിന്‍റെ കിടിലൻ ടീസർ പുറത്തിറങ്ങി. മലയാളത്തിൽ തൊട്ടതെല്ലാം പൊന്നാക്കിയ നടി ഐശ്വര്യ ലക്ഷ്മിയുടെ ആദ്യ തമിഴ് ചിത്രമാണിതെന്ന പ്രത്യേകതയുമുണ്ട്.

Also Read: ‘ഇതിലും ആകര്‍ഷണീയയാകാന്‍ എനിക്കു കഴിയുമോ?’; ഐശ്വര്യയുടെ പുതിയ ചിത്രം


Also Read: അശ്ലീല സന്ദേശമയച്ചവര്‍ക്ക് പണികൊടുത്ത് ഐശ്വര്യ

വിശാൽ, തമന്ന എന്നിവർ പ്രധാനവേഷത്തിലെത്തുന്ന ചിത്രം സുന്ദർ സി ആണ് സംവിധാനം ചെയ്തിരിക്കുന്നത്. യോഗിബാബു, ആകാംക്ഷ, കബീർ ദുഹാൻ, രാംകി എന്നിവരും ചിത്രത്തിൽ അഭിനയിക്കുന്നുണ്ട്. ഹിപ്ഹോപ് തമിഴയാണ് ത്രസിപ്പിക്കുന്ന ആക്ഷൻ രംഗങ്ങളുള്ള ചിത്രത്തിന്‍റെ സംഗീതം ഒരുക്കിയിരിക്കുന്നത്.

Also Read: 'ചേച്ചി എന്നെ കെട്ടാവോ' എന്ന് ചോദിച്ച ആരാധകനോട് ഐശ്വര്യ പറഞ്ഞത്

2014 മുതൽ മോഡലിംഗ് രംഗത്തു പ്രവർത്തിച്ചുതുടങ്ങിയ ഐശ്വര്യ 2017-ൽ ഞണ്ടുകളുടെ നാട്ടിൽ ഒരിടവേള എന്ന ചലച്ചിത്രത്തിലാണ് ആദ്യമായി അഭിനയിച്ചത്. 2017-ൽ പുറത്തിറങ്ങിയ മായാനദിയാണ് ഐശ്വര്യയുടെ രണ്ടാമത്തെ ചലച്ചിത്രം. ഈ ചിത്രത്തിലൂടെ നിരവധി ആരാധകരെ താരം സ്വന്തമാക്കി. ഏറെ നിരൂപക പ്രശംസ നേടിയ ചിത്രവുമായിരുന്നു മായാനദി.

Also Read: ഐശുവിൻ്റെ ഹോട്ട് ചിത്രങ്ങൾ സോഷ്യൽ മീഡിയ കീഴടക്കുന്നു

എംബിബിഎസ് നേടിയ ശേഷമാണ് ഐശ്വര്യ അഭിനയത്തിലേക്ക് വന്നത്. നിരവധി പ്രസിദ്ധമായ മാസികകളുടെ കവർ പേജിലും ഇടംപിടിച്ചിട്ടുണ്ട് താരം. നിരവധി പരസ്യചിത്രങ്ങളിൽ അഭിനയിച്ചിട്ടുണ്ട്. മായനദിക്ക് ശേഷം വരത്തൻ, വിജയ് സൂപ്പറും പൗര്‍ണ്ണമിയും, അര്‍ജന്‍റീന ഫാൻസ് കാട്ടൂര്‍കടവ്, ബ്രദേഴ്സ് ഡേ എന്നീ ചിത്രങ്ങളിൽ അഭിനയിച്ചു. അതിനുശേഷമാണ് ആദ്യ തമിഴ് ചിത്രമായ ആക്ഷനിലേക്കെത്തിയത്. ധനുഷിനൊപ്പം ചെയ്യുന്ന സുരുളിയാണ് അടുത്ത തമിഴ് ചിത്രം.