കൂടുതൽ ശക്തമായി അവൾക്കൊപ്പം: WCC

നടി ആക്രമിക്കപ്പെട്ട കേസിൽ ദിലീപിന് ജാമ്യം ലഭിച്ച സാഹചര്യത്തിൽ കൂടുതൽ ശക്തരായി അവൾക്കൊപ്പം നിൽക്കുമെന്ന് സിനിമാ മേഖലയിലെ വനിതാ കൂട്ടായ്മ. തങ്ങളുടെ സഹപ്രവർത്തകക്ക് നൽകുന്ന പിന്തുണ പൂർവാധികം ശക്തിപ്പെടുത്തുന്നതായി വുമൺ ഇൻ സിനിമാ കളക്ടീവ് (WCC) ഫേസ്ബുക്കിലൂടെ വ്യക്തമാക്കി.

വനിതാ കൂട്ടായ്മയുടെ ഫേസ്ബുക്ക് പോസ്റ്റിൻെറ പൂർണരൂപം:

നിയമവും നീതി നിർവ്വഹണവും അതിന്റേതായ വഴികളിലൂടെ മുന്നേറുമ്പോൾ, സിനിമയിലെ വനിതാ കൂട്ടായ്മ, ഞങ്ങളുടെ സഹപ്രവർത്തകയ്ക്കു നൽകുന്ന പിന്തുണ പൂർവ്വാധികം ശക്തിപ്പെടുത്തുന്നു, ആ പെൺകുട്ടിക്കു മുന്നിലുള്ള വേദനിപ്പിക്കുന്ന സത്യം ഒരിക്കലും നിങ്ങളുടെ മനസ്സിൽ നിന്ന് മാഞ്ഞു പോകാതിരിക്കട്ടെ! അവളുടെ ഇച്ഛാശക്തിയെ നിലനിർത്തേണ്ടത് പ്രബുദ്ധരായ നമ്മൾ ഒരോരുത്തരുടെയും കടമയാണ്. നീതിക്കായുള്ള അവളുടെ പോരാട്ടത്തിൽ കൂടുതൽ ശക്തരായി അവൾക്കൊപ്പം!

WCC's Facebook post on actor Dileep's bail

Women in cinema collective said that they will continue to strongly support the actress who was attacked three months back.