ദേശീയ അവാര്‍ഡ് വിവാദം, മറുപടിയുമായി പ്രിയദര്‍ശന്‍

ബോളിവുഡ് നടന്‍ അക്ഷയ്‍ കുമാറിന് മികച്ച നടനുള്ള ദേശീയ അവാര്‍ഡ് നല്‍കിയതിന് പിന്നിലുള്ള വിവാദങ്ങളില്‍ പ്രതികരണവുമായി ജൂറി ചെയര്‍മാന്‍ പ്രിയദര്‍ശന്‍.

അക്ഷയ് കുമാറിന് അവാര്‍ഡ് ലഭിച്ചതില്‍ ഇത്രയധികം പ്രതികരണങ്ങള്‍ ഉണ്ടാകുന്നത് എന്തുകൊണ്ടാണെന്ന് അറിയില്ലെന്ന് പ്രിയദര്‍ശന്‍ പിടിഐയോട് പറഞ്ഞു.

ഹേരാ ഭേരി, ഗരംമസാല തുടങ്ങിയ ചിത്രങ്ങളില്‍ പ്രിയദര്‍ശന്‍ അക്ഷയ് കുമാറിനെ സംവിധാനം ചെയ്‍തിട്ടുണ്ട്. ഇരുവരും തമ്മിലുള്ള സൗഹൃദമാണ് ദേശിയ അവാര്‍ഡ് അക്ഷയ് കുമാറിന് എളുപ്പമാക്കിയതെന്ന് സോഷ്യല്‍ മീഡിയയില്‍ ആരോപണങ്ങള്‍ ഉണ്ടായിരുന്നു.

ഇതെല്ലാം പ്രിയദര്‍ശന്‍ തള്ളിക്കളഞ്ഞു. കഴിഞ്ഞ വര്‍ഷം രമേഷ് സിപ്പിയായിരുന്നു ജൂറി ചെയര്‍മാന്‍. അവാര്‍ഡ് ലഭിച്ചത് അദ്ദേഹത്തിന്‍റെ നല്ല സുഹൃത്തായ അമിതാഭ് ബച്ചനാണ്. ഇത് ആരും ചോദ്യം ചെയ്‍തിലല്ലോയെന്ന് പ്രിയന്‍ ചോദിച്ചു. പ്രകാശ് ജാ ജൂറിയായിരുന്നപ്പോഴാണ് അജയ് ദേവ്‍ഗണ്‍ മികച്ച നടനുള്ള അവാര്‍ഡ് നേടിയതെന്നും പ്രിയന്‍ ഓര്‍മ്മിപ്പിച്ചു.

രുസ്തം സിനിമയക്ക് മാത്രമല്ല എയര്‍ ലിഫ്‍റ്റിനും കൂടിയാണ് അക്ഷയ്‍ക്ക് അവാര്‍ഡ് നല്‍കിയതെന്നും പ്രിയദര്‍ശന്‍ പറഞ്ഞു. പക്ഷേ, ഒരു സിനിമയ്ക്ക് മാത്രമേ അവാര്‍ഡ് നല്‍കാനാകൂ എന്നതാണ് രുസ്തം മാത്രം പരാമര്‍ശിക്കാന്‍ കാരണം എന്നും പ്രിയദര്‍ശന്‍ പറഞ്ഞു.

Why are people questioning Akshay Kumar’s National Award win: Priyadarshan

Priyadarshan, the chairperson of the feature film section for the National Film Awards, says he does not understand why people are questioning his frequent collaborator Akshay Kumar’s best actor win.