ഭല്ലാല ദേവയ്ക്ക് മകനുണ്ട്, ഭാര്യയില്ല എന്ന ചോദ്യത്തിന് ഉത്തരവുമായി റാണ

കട്ടപ്പ ബാഹുബലിയെ കൊന്നത് എന്തിന് എന്നൊരു വലിയ ചോദ്യം അവശേഷിപ്പിച്ചായിരുന്നു ബാഹുബലി അവസാനിച്ചത്. അതിനുള്ള ഉത്തരം ലഭിക്കാൻ ദീർഘനാളത്തെ കാത്തിരിപ്പിലായിരുന്നു സിനിമാപ്രേമികൾ മുഴുവനും. സസ്പെൻസുകൾക്ക് വിരാമമ്മിട്ട് ഒടുവിൽ ബാഹുബലി രണ്ടാം ഭാഗം അവതരിച്ചപ്പോൾ, ഏറെ നാളായി കാത്തിരുന്ന ഉത്തരം ലഭിച്ചെങ്കിലും പിന്നെയും ചില ആശയക്കുഴപ്പങ്ങൾ നിലനിന്നിരുന്നു.

ഭല്ലാല ദേവ എന്ന വില്ലൻ കഥാപാത്രത്തെ അവതരിപ്പിച്ചത് റാണ ദഗുപതിയായിരുന്നു. ബാഹുബലിയുടെ ആദ്യഭാഗത്ത് ഭല്ലാല ദേവന്‍റെ മകനായ ഭദ്ര പ്രത്യക്ഷപ്പെടുന്നുണ്ട്, എന്നാൽ ഭാര്യയെ ചിത്രത്തിൽ എങ്ങും കാണിക്കുന്നില്ലെന്നതാണ് വിസ്മയകരമായ കാര്യം. അപ്പോൾ പിന്നെ ഭല്ലാലയ്ക്ക് എങ്ങനെയാണ് ഭദ്ര എന്നുള്ള പുത്രൻ ഉണ്ടായതെന്നായിരുന്നു പ്രേക്ഷകരെ കുഴപ്പിച്ച ചോദ്യം. പിതാവിന്‍റെ വീര്യം പറഞ്ഞ് നടക്കുന്നൊരു പുത്രനായിട്ടാണ് ആദ്യഭാഗത്തിൽ ഭദ്രയെ അവതരിപ്പിച്ചത്. മഹേന്ദ്ര ബാഹുബലി ഭദ്രയെ കൊല്ലുന്ന രംഗവുമുണ്ട് ചിത്രത്തിൽ.

ഭല്ലാല ദേവയ്ക്ക് ഭാര്യയുള്ളതായോ അല്ലെങ്കിൽ ഭദ്രയ്ക്ക് അമ്മയുള്ളതായോ ചിത്രത്തിൽ പ്രതിപാദിച്ചില്ലെന്നുള്ള പ്രേക്ഷരുടെ ചോദ്യത്തിന് റാണ ദഗുപതി തന്നെ മറുപടിയുമായി എത്തിയിരിക്കുകയാണ്. ഭദ്രയ്ക്ക് അമ്മയില്ലെന്നും ഭദ്ര വാടക ഗർഭപാത്രത്തിലൂടെ ജനിച്ചതാണ് എന്നായിരുന്നു റാണ നൽകിയ രസകരമായ മറുപടി.

Why Baahubali's Bhallala Deva Had A Son But No Wife

Actor Rana Daggubati is basking in the success of S S Rajamouli's film Baahubali: The Conclusion.The film, which released in theatres on April 28, finally disclosed the reason behind Katappa killing Baahubali.