'രാമലീല'ക്കെതിരെ പ്രതിഷേധവുമായി വനിതാ കൂട്ടായ്മ

നടിയെ ആക്രമിച്ച കേസിൽ ഗൂഢാലോചനകുറ്റമാരോപിച്ച് ജയിലില്‍ റിമാന്റില്‍ കഴിയുന്ന ദിലീപ് നായകനായ രാമലീല 28ന് തീയറ്ററുകളിലെത്തുകയാണ്. ദിലീപിന്റെ ജയിലില്‍ നിന്നുള്ള റിലീസിനായി കാത്തിരുന്ന് മടുത്താണ് സിനിമ ഈയാഴ്ച റിലീസ് ചെയ്യാന്‍ അണിയറപ്രവര്‍ത്തകര്‍ നിശ്ചയിച്ചത്.സിനിമ വിജയിപ്പിക്കാന്‍ സിനിമാക്കാരും ഫാന്‍സും രംഗത്തിറങ്ങിക്കഴിഞ്ഞിരിക്കുന്ന സാഹചരൃത്തിലാണ് മറ്റൊരു കൂട്ടര്‍ സിനിമയ്‍‍ക്കെതിരെ നീങ്ങിയിരിക്കുന്നത്.

സിനിമാ ലോകം നാളിതുവരെ കാണാത്ത സമരത്തിനൊരുങ്ങുന്നത് സിനിമയിലെ വനിതാ കൂട്ടായ്മയാണ്. നടി ആക്രമിക്കപ്പെട്ട കേസിലുടനീളം തുടര്‍ന്ന പ്രതിഷേധക്കൊടുങ്കാറ്റ് സെപ്റ്റംബര്‍ 28നും കൂടുതല്‍ ആഞ്ഞടിപ്പിക്കാനാണ് ഇവരുടെ രഹസ്യതീരുമാനം. ഇതിനായി അന്നേ ദിവസത്തെ ഷൂട്ടിംഗ് ഉള്‍പ്പെടെ റദ്ദാക്കി പ്രധാനപ്രവര്‍ത്തകരെല്ലാം കൊച്ചിയില്‍ സംഘടിക്കാനാണ് രഹസ്യ തീരുമാനം.

പ്രതിഷേധം ഏത് രീതിയിലുള്ളതാണെന്ന് ഇനിയും വ്യക്തമായിട്ടില്ല. കൊച്ചിയില്‍ കേന്ദ്രീകരിക്കാനാണ് നിലവിലെ തീരുമാനമെന്ന് വ്യക്തം. ദിലീപിന്റെ ചിത്രത്തിനെതിരെ പരസ്യമായി രംഗത്തെത്തിയാല്‍ അത് പുതിയ ചരിത്രമാകും. നാളിതുവരെ സാമ്പത്തിക തര്‍ക്കവും സിനിമാ സമരവും മാത്രമേ റിലീസിംഗിന് നേരിട്ട് ബാധിച്ചിട്ടുള്ളൂ. എന്നാല്‍ താരങ്ങള്‍ അതും വനിതാ താരങ്ങള്‍ സമരരംഗത്തിറങ്ങുന്ന ആദ്യത്തെ എതിരാളിചിത്രം കൂടിയാവുകയാണ്, അരുണ്‍ഗോപിയുടെ രാമലീല.

നടിയെ ആക്രമിച്ച സംഭവവുമായി ബന്ധപ്പെട്ടാണ് സ്ത്രീക്കൂട്ടായ്മയുടെ പിറവി തന്നെ. കേസില്‍ ഉടനീളം ശക്തമായ സാാന്നിധ്യമായി അവരുണ്ടായിരുന്നു. അവള്‍ക്കൊപ്പം എന്ന ബാനറുമായി സംസ്ഥാന ചലച്ചിത്ര വേദിയില്‍ പോലും അവര്‍ സാന്നിധ്യം അടയാളപ്പെടുത്തിയിട്ടുണ്ട്.


womens collective against ramaleela

womens collective against dileep's latest film ramaleela.