ജേക്കബിന്റെ ഫീൽ ഗുഡ് സ്വർഗരാജ്യം
നിവിൻ പോളി, രൺജി പണിക്കർ,
ജേക്കബിന്റെ കുടുംബമാണ് സിനിമയിലെ സ്വർഗരാജ്യം. ജേക്കബ് എന്ന പ്രവാസിമലയാളി വ്യവസായിയുടെ ( രൺജി പണിക്കർ) കുടുംബത്തിന്റെ സന്തോഷവും സാമ്രാജ്യത്തിന്റെ പെരുമയും തകര്ന്നടിയുന്നിടത്‌ നിന്ന് തിരിച്ചു പിടിക്കേണ്ടി വരുന്ന മകൻ ജെറി ജേക്കബിന്റെയും ( നിവിൻ പോളി) അമ്മ ഷെർളി ജേക്കബിന്റെയും ( ലക്ഷ്മി രാമകൃഷ്ണൻ ) ഇച്ഛാശക്തിയുടെ കഥ. ഗൾഫിലെ വമ്പൻ ബിസിനസ്മാൻ ജേക്കബിനെ സ്റ്റീൽ ബിസിനസ്സ് ഡീലിൽ ചതിച്ച് പതിമൂന്നു കോടിയുമായി സുഹൃത്ത്‌ മുങ്ങുമ്പോൾ വീഴുകയാണ് സന്തോഷത്തിന്റെ സ്വർഗരാജ്യം. വിശ്വാസവഞ്ചനക്കേസിൽ ഇന്‍റർപോളിൽ നിന്ന് രക്ഷപെട്ടു ലിബിയയിലഭയം തേടുന്ന ജേക്കബ്. ബിസിനസിന്റെ ബാലപാഠമറിയാത്ത മകൻ ഓഫീസും ലൈസെന്സുമൊന്നുമില്ലാതെ നിശ്ചയദാർഢ്യം കൊണ്ട് അച്ഛന്റെ കടം വീട്ടുന്ന സംഭവകഥ.
മലയാളത്തിന് പരിചിതമല്ലാത്തൊരു ബോളിവുഡ് ട്രീറ്റ്‌മെന്റ് ആണ് സിനിമയുടേത്. മനസ്സിനെ സ്പർശിക്കുന്ന ഒട്ടേറെ വൈകാരിക മുഹൂർത്തങ്ങളുള്ള കഥയായിട്ടു കൂടി മെലോ ഡ്രാമയിലേക്ക് വഴുതാതെ ശ്രദ്ധിക്കുന്നുണ്ട് സംവിധായകൻ. ട്രൂസ്റ്റോറിയാണ് സിനിമക്കാസ്പദം എന്നതും എൻഡ് ക്രെഡിറ്റില്‍ അത്ഭുതപ്പെടുത്തും. ജോമോൻ ടി ജോണിന്റെ ക്യാമറ തന്നെയാണ് അയാൾ വർക്ക് ചെയ്യുന്ന ഏതു സിനിമയും പോലെ ഇതിലെയും താരം. ഗൾഫിന്റെ മായക്കാഴ്ചകൾ എന്നതിനെക്കാൾ റിച്ച് ഫോറിൻ ലൈഫിന്റെ മൂഡൊരുക്കുകയാണ് ഛായാഗ്രാഹകൻ. രഞ്ജൻ അബ്രഹാമിന്റെ എഡിറ്റിങ്ങും പ്രത്യേകിച്ചു മൊണ്ടാഷ് സീക്വെൻസുളും പാളിപ്പോകുമായിരുന്നൊരു സിനിമയെ രക്ഷിച്ചെടുത്തിട്ടുണ്ട്. ഷാൻ റഹമാന്റെ പശ്ചാത്തലസംഗീതം തന്നെയാണ് പതിവ് വിനീത് ശ്രീനിവാസൻ സിനിമകൾ പോലെ ജേക്കബിന്റെ സ്വർഗരാജ്യത്തിന്റെയും ഇമോഷണൽ കൊഷ്യന്‍റ്.
നിവിൻ പോളിയുടെ മികച്ച സ്ക്രിപ്റ്റ് സെലക്ഷനാണ് ജേക്കബിന്റെ സ്വർഗരാജ്യം. ആദ്യ പകുതിയിൽ വളരെക്കുറച്ചു പ്രാധാന്യവും രണ്ടാം പകുതി സിനിമ മുഴുവൻ തോളിലേറ്റുന്ന വേഷവുമാണ് നിവിന്റെ ജെറി. തമിഴിലെ സീനിയർ ക്യാരക്ടർ ആർടിസ്റ്റ് ആയ ലക്ഷ്മിയുടെ അമ്മവേഷം സുശക്തമാണ്. മലയാളത്തിൽ നിന്നാര് ചെയ്താലും ഇത്ര പവർഫുൾ ആകുമായിരുന്നില്ലാത്തൊരു റോൾ. ടൈപ്പ് കാസ്റ്റിങ്ങിലൂടെ മറ്റൊരു ജോയ് മാത്യുവായി വെറുപ്പിച്ചുകൊണ്ടിരുന്ന രൺജി പണിക്കർക്ക് ബ്രേക്ക് ആകും ജേക്കബ്. ഫസ്റ്റ് ഹാഫിൽ മാത്രമായിരുന്നിട്ടു കൂടി സിനിമ തീരുന്നത് വരെ മനസ്സിൽ നില്ക്കും രൺജി പണിക്കരുടെ കഥാപാത്രം. ജേക്കബിന്റെ ആശ്രിതരുടെ സഹനടവേഷങ്ങളിൽ ടി ജി രവിക്കും സായികുമാറിനും കാര്യമായൊന്നും ചെയ്യാനില്ല. തനിക്കു പകരമെന്ന വണ്ണം സിനിമയിലിടം പിടിച്ച നീരജ് മാധവിനെ വീട്ടിലിരുത്താവുന്ന തിരിച്ചുവരവ്‌വേഷമാണ് അനിയനായി ശ്രീനാഥ് ഭാസിയുടേത്. വിനീതിനൊരു ഗസ്റ്റ് റോൾ വേഷവും. വിനീതിന്റെ കാസ്റ്റിങ് ഡയറക്ടർ ദിനേശ് പ്രഭാകറിന് ചതിയോ കോമാളിത്തമോ അവശതയോ ഇല്ലാത്തൊരു റോളും. എടുത്തു പറയേണ്ടത് ഗൗതം മേനോന് വെച്ചൊരു വില്ലൻ വേഷത്തിലെത്തി അമ്പരിപ്പിക്കുന്ന നവാഗതനായ അശ്വിൻ കുമാരിന്‍റേതാണ്.
വിനീത് ശ്രീനിവാസൻ ചെയ്ത ആദ്യ വെളിവുള്ള സിനിമയാണ് ജേക്കബിന്റെ സ്വർഗരാജ്യം. പൈങ്കിളിപ്പിള്ളേർക്കിടയിൽ തരംഗം തീർത്ത മലർവാടി ആർട്സ് ക്ലബ്ബിനും തട്ടത്തിൻ മറയത്തിനും ശേഷം മാറ്റിപ്പിടിച്ച തിരയാകട്ടെ സ്ഥലകാലബോധമില്ലാത്ത സിനിമയായിരുന്നു. ഒപ്പം അനുകരണവും. സാങ്കേതികമായും സീനുകളുടെ വൈകാരികതയിലും ശ്രീനിവാസന്റെ മകൻ പക്വതയെത്തുന്ന സിനിമ കൂടിയാണ് ജേക്കബിന്റെ സ്വർഗരാജ്യം. മസാലയിൽ പണിതുയർതാത്തൊരു ഫീൽ ഗുഡ് സ്വർഗരാജ്യം !
മലയാളത്തിന് പരിചിതമല്ലാത്തൊരു ബോളിവുഡ് ട്രീറ്റ്‌മെന്റ് ആണ് സിനിമയുടേത്. മനസ്സിനെ സ്പർശിക്കുന്ന ഒട്ടേറെ വൈകാരിക മുഹൂർത്തങ്ങളുള്ള കഥയായിട്ടു കൂടി മെലോ ഡ്രാമയിലേക്ക് വഴുതാതെ ശ്രദ്ധിക്കുന്നുണ്ട് സംവിധായകൻ. ട്രൂസ്റ്റോറിയാണ് സിനിമക്കാസ്പദം എന്നതും എൻഡ് ക്രെഡിറ്റില്‍ അത്ഭുതപ്പെടുത്തും. ജോമോൻ ടി ജോണിന്റെ ക്യാമറ തന്നെയാണ് അയാൾ വർക്ക് ചെയ്യുന്ന ഏതു സിനിമയും പോലെ ഇതിലെയും താരം. ഗൾഫിന്റെ മായക്കാഴ്ചകൾ എന്നതിനെക്കാൾ റിച്ച് ഫോറിൻ ലൈഫിന്റെ മൂഡൊരുക്കുകയാണ് ഛായാഗ്രാഹകൻ. രഞ്ജൻ അബ്രഹാമിന്റെ എഡിറ്റിങ്ങും പ്രത്യേകിച്ചു മൊണ്ടാഷ് സീക്വെൻസുളും പാളിപ്പോകുമായിരുന്നൊരു സിനിമയെ രക്ഷിച്ചെടുത്തിട്ടുണ്ട്. ഷാൻ റഹമാന്റെ പശ്ചാത്തലസംഗീതം തന്നെയാണ് പതിവ് വിനീത് ശ്രീനിവാസൻ സിനിമകൾ പോലെ ജേക്കബിന്റെ സ്വർഗരാജ്യത്തിന്റെയും ഇമോഷണൽ കൊഷ്യന്‍റ്.
നിവിൻ പോളിയുടെ മികച്ച സ്ക്രിപ്റ്റ് സെലക്ഷനാണ് ജേക്കബിന്റെ സ്വർഗരാജ്യം. ആദ്യ പകുതിയിൽ വളരെക്കുറച്ചു പ്രാധാന്യവും രണ്ടാം പകുതി സിനിമ മുഴുവൻ തോളിലേറ്റുന്ന വേഷവുമാണ് നിവിന്റെ ജെറി. തമിഴിലെ സീനിയർ ക്യാരക്ടർ ആർടിസ്റ്റ് ആയ ലക്ഷ്മിയുടെ അമ്മവേഷം സുശക്തമാണ്. മലയാളത്തിൽ നിന്നാര് ചെയ്താലും ഇത്ര പവർഫുൾ ആകുമായിരുന്നില്ലാത്തൊരു റോൾ. ടൈപ്പ് കാസ്റ്റിങ്ങിലൂടെ മറ്റൊരു ജോയ് മാത്യുവായി വെറുപ്പിച്ചുകൊണ്ടിരുന്ന രൺജി പണിക്കർക്ക് ബ്രേക്ക് ആകും ജേക്കബ്. ഫസ്റ്റ് ഹാഫിൽ മാത്രമായിരുന്നിട്ടു കൂടി സിനിമ തീരുന്നത് വരെ മനസ്സിൽ നില്ക്കും രൺജി പണിക്കരുടെ കഥാപാത്രം. ജേക്കബിന്റെ ആശ്രിതരുടെ സഹനടവേഷങ്ങളിൽ ടി ജി രവിക്കും സായികുമാറിനും കാര്യമായൊന്നും ചെയ്യാനില്ല. തനിക്കു പകരമെന്ന വണ്ണം സിനിമയിലിടം പിടിച്ച നീരജ് മാധവിനെ വീട്ടിലിരുത്താവുന്ന തിരിച്ചുവരവ്‌വേഷമാണ് അനിയനായി ശ്രീനാഥ് ഭാസിയുടേത്. വിനീതിനൊരു ഗസ്റ്റ് റോൾ വേഷവും. വിനീതിന്റെ കാസ്റ്റിങ് ഡയറക്ടർ ദിനേശ് പ്രഭാകറിന് ചതിയോ കോമാളിത്തമോ അവശതയോ ഇല്ലാത്തൊരു റോളും. എടുത്തു പറയേണ്ടത് ഗൗതം മേനോന് വെച്ചൊരു വില്ലൻ വേഷത്തിലെത്തി അമ്പരിപ്പിക്കുന്ന നവാഗതനായ അശ്വിൻ കുമാരിന്‍റേതാണ്.
വിനീത് ശ്രീനിവാസൻ ചെയ്ത ആദ്യ വെളിവുള്ള സിനിമയാണ് ജേക്കബിന്റെ സ്വർഗരാജ്യം. പൈങ്കിളിപ്പിള്ളേർക്കിടയിൽ തരംഗം തീർത്ത മലർവാടി ആർട്സ് ക്ലബ്ബിനും തട്ടത്തിൻ മറയത്തിനും ശേഷം മാറ്റിപ്പിടിച്ച തിരയാകട്ടെ സ്ഥലകാലബോധമില്ലാത്ത സിനിമയായിരുന്നു. ഒപ്പം അനുകരണവും. സാങ്കേതികമായും സീനുകളുടെ വൈകാരികതയിലും ശ്രീനിവാസന്റെ മകൻ പക്വതയെത്തുന്ന സിനിമ കൂടിയാണ് ജേക്കബിന്റെ സ്വർഗരാജ്യം. മസാലയിൽ പണിതുയർതാത്തൊരു ഫീൽ ഗുഡ് സ്വർഗരാജ്യം !