'കൊല'ച്ചതിയായൊരു 'മാസ്'സിനിമ. കൊലമാസ് റിവ്യൂ
അമീർ നിയാസ്, അഷ്കർ സൗദാൻ, ധർമജൻ
പ്രണയിച്ചു വിവാഹം കഴിച്ചതിനെ തുടർന്ന് നഗരത്തിലെ സുഹൃത്തിന്റെ ഫ്ലാറ്റിൽ അഭയം തേടിയ ഫോട്ടോഗ്രാഫർ ശ്യാം (അമീർ നിയാസ്), സുഹൃത്ത് വിദേശത്ത് പോകുമ്പോൾ അയാളുടെ ആഡ് ഏജന്സിയും ഏറ്റെടുത്തു നടത്തുന്നു. അഡ്വെർടൈസിംഗ് ഫീൽഡിലെ ഒന്നാമനായ വില്ലൻ ക്രിസ്റ്റിക്കു (അഷ്കർ സൗദാൻ) എതിരാളികളെ ഇഷ്ടമല്ല. അത് കൊണ്ടയാൾ നായകനെ തരം കിട്ടുമ്പോഴൊക്കെ ഗുണ്ടകളെ വിട്ടു തല്ലിചതക്കുന്നു. നായകൻ പ്രശ്നങ്ങൾക്കില്ല അമേരിക്കയിലേക്ക് പൊക്കോളാം എന്നും പറയുമ്പോഴും കൂട്ടാക്കാതെ ആക്രമിക്കുന്ന വില്ലൻ അങ്ങനെ അവസാനം നായകന്റെ തല്ലു ഇരന്നു വാങ്ങുന്നു. എന്തൊരു മാസ് കഥ !
മമ്മൂട്ടിയുടെ പേര് മുതലെടുത്ത് മലയാള സിനിമക്ക് ചെയ്ത ഏറ്റവും വലിയ ചതിയായിരുന്നു മക്ബൂൽ സൽമാൻ. എന്നാൽ അതിലും വലിയ കൊലച്ചതിയാണ് മമ്മൂട്ടിയുടെ കുടുംബാംഗമായ അഷ്കർ സൗദാൻ എന്ന കൊലമാസിലെ വില്ലൻ. പ്രതിഭയുള്ള അഭിനേതാക്കൾ പാസിംഗ് ഷോട്ടിൽ അഭിനയിക്കാൻ പോലും അവസരം കാത്തു കെട്ടി നിൽക്കുമ്പോൾ അഷ്കറൊക്കെ ഇങ്ങനെ അഭിനയിക്കുന്നത് കാലം പൊറുക്കാത്ത തെറ്റാണ്. അസഹനീയം എന്ന വാക്കിന്റെ പര്യായപദമാണീ നടൻ.
വില്ലനുമായി താരതമ്യം ചെയ്യുമ്പോൾ മാത്രം നായകൻ അമീർ നിയാസ് നടനാണ്. അഭിനയം വശമില്ലെങ്കിലും നല്ല ബിൽഡ്ബോഡിയും മോഡലിംഗ് ലുക്കുമൊക്കെയുണ്ട്. ഒരു തരത്തിൽ പാവപെട്ടവരുടെ ഉണ്ണി മുകുന്ദൻ. യാതൊരു പ്രസക്തിയുമില്ലാതൊരു വേഷത്തിൽ ഇന്ദ്രന്സിനെ നഷ്ടപെടുത്തിയപ്പോൾ, പൊതുവെ ജനപ്രിയനായ ധർമജന്റെ ഗുണ്ടവേഷം വെറുപ്പിച്ചു. പതിവ് ചെറുവേഷങ്ങളിൽ ബാലചന്ദ്രൻ ചുള്ളിക്കാടിനെയും ലക്ഷ്മിപ്രിയയെയും ഒക്കെ കാണുമ്പോൾ നമ്മളോർക്കും ഇവരൊക്കെ എത്ര ഭേദമാണെന്ന്.
സനൂബ്, അനിൽ എന്നീ ഇരട്ട സംവിധായകരാണ് കൊലമാസെന്ന അറുംകൊലക്ക് പിന്നിൽ. ഫൈറ്റ് സീനുകളിൽ ഒക്കെ പിന്നിലുള്ള ഫ്ലക്സിലോ പൊസ്റ്ററിലോ ഉള്ള ഇളയ ദളപതി വിജയുടെ ഊർജമുൾക്കൊണ്ട് നായകനെക്കൊണ്ടു അടിപ്പിക്കുന്നുണ്ടിവർ. സിനിമയിൽ ഉടനീളമുണ്ട് യാതൊരു സാംഗത്യവുമില്ലാത്ത ഈ വിജയ് പറ്റിപ്പ്. അങ്ങനെയെങ്കിലും കാണാനിരിക്കുന്നവരിൽ രണ്ടാളെങ്കിലും കയ്യടിച്ചോട്ടെ എന്ന ആഗ്രഹത്തിലായിരിക്കും !
മമ്മൂട്ടിയുടെ പേര് മുതലെടുത്ത് മലയാള സിനിമക്ക് ചെയ്ത ഏറ്റവും വലിയ ചതിയായിരുന്നു മക്ബൂൽ സൽമാൻ. എന്നാൽ അതിലും വലിയ കൊലച്ചതിയാണ് മമ്മൂട്ടിയുടെ കുടുംബാംഗമായ അഷ്കർ സൗദാൻ എന്ന കൊലമാസിലെ വില്ലൻ. പ്രതിഭയുള്ള അഭിനേതാക്കൾ പാസിംഗ് ഷോട്ടിൽ അഭിനയിക്കാൻ പോലും അവസരം കാത്തു കെട്ടി നിൽക്കുമ്പോൾ അഷ്കറൊക്കെ ഇങ്ങനെ അഭിനയിക്കുന്നത് കാലം പൊറുക്കാത്ത തെറ്റാണ്. അസഹനീയം എന്ന വാക്കിന്റെ പര്യായപദമാണീ നടൻ.
വില്ലനുമായി താരതമ്യം ചെയ്യുമ്പോൾ മാത്രം നായകൻ അമീർ നിയാസ് നടനാണ്. അഭിനയം വശമില്ലെങ്കിലും നല്ല ബിൽഡ്ബോഡിയും മോഡലിംഗ് ലുക്കുമൊക്കെയുണ്ട്. ഒരു തരത്തിൽ പാവപെട്ടവരുടെ ഉണ്ണി മുകുന്ദൻ. യാതൊരു പ്രസക്തിയുമില്ലാതൊരു വേഷത്തിൽ ഇന്ദ്രന്സിനെ നഷ്ടപെടുത്തിയപ്പോൾ, പൊതുവെ ജനപ്രിയനായ ധർമജന്റെ ഗുണ്ടവേഷം വെറുപ്പിച്ചു. പതിവ് ചെറുവേഷങ്ങളിൽ ബാലചന്ദ്രൻ ചുള്ളിക്കാടിനെയും ലക്ഷ്മിപ്രിയയെയും ഒക്കെ കാണുമ്പോൾ നമ്മളോർക്കും ഇവരൊക്കെ എത്ര ഭേദമാണെന്ന്.
സനൂബ്, അനിൽ എന്നീ ഇരട്ട സംവിധായകരാണ് കൊലമാസെന്ന അറുംകൊലക്ക് പിന്നിൽ. ഫൈറ്റ് സീനുകളിൽ ഒക്കെ പിന്നിലുള്ള ഫ്ലക്സിലോ പൊസ്റ്ററിലോ ഉള്ള ഇളയ ദളപതി വിജയുടെ ഊർജമുൾക്കൊണ്ട് നായകനെക്കൊണ്ടു അടിപ്പിക്കുന്നുണ്ടിവർ. സിനിമയിൽ ഉടനീളമുണ്ട് യാതൊരു സാംഗത്യവുമില്ലാത്ത ഈ വിജയ് പറ്റിപ്പ്. അങ്ങനെയെങ്കിലും കാണാനിരിക്കുന്നവരിൽ രണ്ടാളെങ്കിലും കയ്യടിച്ചോട്ടെ എന്ന ആഗ്രഹത്തിലായിരിക്കും !