ഒരു അഡാർ ലവ്
Priya Prakash Warrier,Roshan Abdul Rahoom,Noorin Sheref
ഒരു വര്ഷം മുമ്പ് യു ട്യൂബിൽ പ്രത്യക്ഷപ്പെട്ട ഒരു ഗാനം, മലയാളസിനിമയിൽ മുമ്പെങ്ങും കാണാത്ത വിധം വൈറലായി. ഒരു കണ്ണിറുക്കിലൂടെ പ്രിയ പ്രകാശ് വാര്യർ എന്ന പുതുമുഖം ഇന്ത്യയൊട്ടാകെ ചർച്ചയായി. കൂടെ സഹാതാരങ്ങളായ റോഷൻ അബ്ദുൽ റഹൂഫും നൂറിൻ ഷരീഫും പ്രേക്ഷക പ്രീതി നേടി. ഇടയിൽ വിവാദങ്ങളും വന്നു കൂടി. ഒടുവിൽ 'പ്രണയമുള്ള'' പേരുമായി പ്രണയ ദിനത്തിൽ തന്നെ ഒമർ ലുലുവിന്റെ മൂന്നാമത്തെ ചിത്രം 'ഒരു അഡാർ ലവ്' തിയറ്ററുകളിലെത്തിയിരിക്കുകയാണ്.
മലയാളത്തിനൊപ്പം തമിഴ്, തെലുഗു, കന്നഡ ഭാഷകളിലാണ് ഒരു അഡാർ ലവ് എത്തിയിരിക്കുന്നത്. തമിഴിലും തെലുങ്കിലും 'ലവേഴ്സ് ഡേ' എന്ന പേരിലും കന്നഡയിൽ 'കിറിക് ലവ് സ്റ്റോറി'എന്ന പേരിലുമാണ് അഡാർ ലവിന്റെ മൊഴിമാറ്റപതിപ്പുകൾ എത്തിയിരിക്കുന്നത്.
“കുടുംബ പ്രേക്ഷകർക്ക് പ്രവേശനമില്ല “ എന്ന ബോർഡ് തീയറ്ററിൽ തൂക്കിയിടാൻ നിർബന്ധിക്കുന്ന തരത്തിലുള്ള ചിത്രമായിരുന്നു സംവിധായകൻ ഒമര് ലുലുവിന്റെ മുൻ ചിത്രം 'ചങ്ക്സ്'. അന്യഭാഷാ മസാല ചിത്രങ്ങൾ മലയാളത്തിൽ പകർത്തിയെടുക്കാനുള്ള ഒമറിന്റെ ശ്രമം തീയറ്ററിൽ ആളെകൂട്ടിയെങ്കിലും വികലമായ അവതരണം കൊണ്ട് പഴി കേട്ടിരുന്നു. ഒരു ആഡാർ ലവ് ഒരുക്കിയിരിക്കുന്നതും സമാനമായ വഴിക്കു തന്നെയാണ്.
കലാഭവൻ മണിയുടെ പാട്ടുകൾ, പ്രളയക്കെടുതിയിൽ രക്ഷിച്ച മത്സ്യത്തൊഴിലാളികൾ തുടങ്ങി തീയറ്ററിൽ കയ്യടിക്കാനുള്ള വക ഒമർ എന്ന മാർക്കെറ്റിങ് വിദഗ്ധന്റെ ബുദ്ധിയാണെങ്കിലും, ദുർബലമായ കഥയും ലക്ഷ്യമില്ലാത്ത സഞ്ചാരവുമാണ് സിനിമക്ക് ഇടവേള വരെയുള്ളത്. ഒരു പ്ലസ് ടു സ്കൂള് കേന്ദ്രീകരിച്ചുള്ള പൈങ്കിളി പ്രണയകഥയാണ് അഡാര് ലൗ. ആ പ്രായത്തിലുള്ള കുട്ടികളുടെ ചിന്താഗതിയും മറ്റുമാണ് സിനിമയില് പറയുന്നത് . പ്രിയ പ്രകാശ് വാര്യർ, വൈശാഖ് പവനൻ, റോഷൻ അബ്ദുൽ റഹൂഫ്, നൂറിൻ ഷെരീഫ്, റോഷ്ന ആൻ റോയ്, മിഷേൽ ആൻ ഡാനിയൽ, അൽത്താഫ് സലിം, അനീഷ് ജി. മേനോൻ, അരുൺ കെ കുമാർ എന്നിവരാണ് താരങ്ങൾ
കേട്ട് പഴകിയ ക്ലീഷേ ഡയലോഗുകളുടെ കൂത്തരങ്ങാണ് അഡാർ ലവ് .
പ്രേക്ഷകനെ ചിരിപ്പിക്കാനുള്ള ശ്രമങ്ങൾ പാളുന്ന കാഴ്ചയാണ് ചിത്രത്തിലുടനീളം.
ഒമർ സിനിമകളുടെ കൂടെപ്പിറപ്പായ ദ്വയാർത്ഥ പ്രയോഗങ്ങൾ ഈ ചിത്രത്തിലും ഉപയോഗിച്ചിട്ടുണ്ട്. വിനീത് ശ്രീനിവാസൻ - ഷാൻ റഹ്മാൻ കൂട്ടുകെട്ടിൽ പിറന്ന മാണിക്യ മലരായ പൂവി എന്ന ഗാനം മികച്ചു നിന്നെങ്കിലും മറ്റു ഗാനങ്ങൾ നിരാശപ്പെടുത്തി. കഥാ സന്ദര്ഭങ്ങളോട് ചേരാതെ ചേർത്ത പാട്ടുകൾ പലതും പാളുന്ന അവസ്ഥയായിരുന്നു.
ചുരുങ്ങിയ വാക്കുകളിൽ പറയാവുന്ന ഒരു കഥയെ, യാതൊരു ആവശ്യവുമില്ലാതെ വലിച്ചു നീട്ടി വിരസമായ സംഭാഷങ്ങളുടെ അകമ്പടിയോടു കൂടി അവതരിപ്പിച്ചതാണ് അഡാർ ലവിനെ ശരാശരിയിൽ താഴെയുള്ള ചിത്രമാക്കുന്നത്. ടിപ്പിക്കൽ തെലുങ്കു സിനിമാ സ്റ്റൈലിൽ ദുരന്ത ക്ലൈമാക്സ് കൂടി കൊണ്ടുവന്നതോടെ എല്ലാം പൂർത്തിയായി.
മലയാളത്തിനൊപ്പം തമിഴ്, തെലുഗു, കന്നഡ ഭാഷകളിലാണ് ഒരു അഡാർ ലവ് എത്തിയിരിക്കുന്നത്. തമിഴിലും തെലുങ്കിലും 'ലവേഴ്സ് ഡേ' എന്ന പേരിലും കന്നഡയിൽ 'കിറിക് ലവ് സ്റ്റോറി'എന്ന പേരിലുമാണ് അഡാർ ലവിന്റെ മൊഴിമാറ്റപതിപ്പുകൾ എത്തിയിരിക്കുന്നത്.
“കുടുംബ പ്രേക്ഷകർക്ക് പ്രവേശനമില്ല “ എന്ന ബോർഡ് തീയറ്ററിൽ തൂക്കിയിടാൻ നിർബന്ധിക്കുന്ന തരത്തിലുള്ള ചിത്രമായിരുന്നു സംവിധായകൻ ഒമര് ലുലുവിന്റെ മുൻ ചിത്രം 'ചങ്ക്സ്'. അന്യഭാഷാ മസാല ചിത്രങ്ങൾ മലയാളത്തിൽ പകർത്തിയെടുക്കാനുള്ള ഒമറിന്റെ ശ്രമം തീയറ്ററിൽ ആളെകൂട്ടിയെങ്കിലും വികലമായ അവതരണം കൊണ്ട് പഴി കേട്ടിരുന്നു. ഒരു ആഡാർ ലവ് ഒരുക്കിയിരിക്കുന്നതും സമാനമായ വഴിക്കു തന്നെയാണ്.
കലാഭവൻ മണിയുടെ പാട്ടുകൾ, പ്രളയക്കെടുതിയിൽ രക്ഷിച്ച മത്സ്യത്തൊഴിലാളികൾ തുടങ്ങി തീയറ്ററിൽ കയ്യടിക്കാനുള്ള വക ഒമർ എന്ന മാർക്കെറ്റിങ് വിദഗ്ധന്റെ ബുദ്ധിയാണെങ്കിലും, ദുർബലമായ കഥയും ലക്ഷ്യമില്ലാത്ത സഞ്ചാരവുമാണ് സിനിമക്ക് ഇടവേള വരെയുള്ളത്. ഒരു പ്ലസ് ടു സ്കൂള് കേന്ദ്രീകരിച്ചുള്ള പൈങ്കിളി പ്രണയകഥയാണ് അഡാര് ലൗ. ആ പ്രായത്തിലുള്ള കുട്ടികളുടെ ചിന്താഗതിയും മറ്റുമാണ് സിനിമയില് പറയുന്നത് . പ്രിയ പ്രകാശ് വാര്യർ, വൈശാഖ് പവനൻ, റോഷൻ അബ്ദുൽ റഹൂഫ്, നൂറിൻ ഷെരീഫ്, റോഷ്ന ആൻ റോയ്, മിഷേൽ ആൻ ഡാനിയൽ, അൽത്താഫ് സലിം, അനീഷ് ജി. മേനോൻ, അരുൺ കെ കുമാർ എന്നിവരാണ് താരങ്ങൾ
പ്രേക്ഷകനെ ചിരിപ്പിക്കാനുള്ള ശ്രമങ്ങൾ പാളുന്ന കാഴ്ചയാണ് ചിത്രത്തിലുടനീളം.
ഒമർ സിനിമകളുടെ കൂടെപ്പിറപ്പായ ദ്വയാർത്ഥ പ്രയോഗങ്ങൾ ഈ ചിത്രത്തിലും ഉപയോഗിച്ചിട്ടുണ്ട്. വിനീത് ശ്രീനിവാസൻ - ഷാൻ റഹ്മാൻ കൂട്ടുകെട്ടിൽ പിറന്ന മാണിക്യ മലരായ പൂവി എന്ന ഗാനം മികച്ചു നിന്നെങ്കിലും മറ്റു ഗാനങ്ങൾ നിരാശപ്പെടുത്തി. കഥാ സന്ദര്ഭങ്ങളോട് ചേരാതെ ചേർത്ത പാട്ടുകൾ പലതും പാളുന്ന അവസ്ഥയായിരുന്നു.
ചുരുങ്ങിയ വാക്കുകളിൽ പറയാവുന്ന ഒരു കഥയെ, യാതൊരു ആവശ്യവുമില്ലാതെ വലിച്ചു നീട്ടി വിരസമായ സംഭാഷങ്ങളുടെ അകമ്പടിയോടു കൂടി അവതരിപ്പിച്ചതാണ് അഡാർ ലവിനെ ശരാശരിയിൽ താഴെയുള്ള ചിത്രമാക്കുന്നത്. ടിപ്പിക്കൽ തെലുങ്കു സിനിമാ സ്റ്റൈലിൽ ദുരന്ത ക്ലൈമാക്സ് കൂടി കൊണ്ടുവന്നതോടെ എല്ലാം പൂർത്തിയായി.