ലൂക്ക

നവാഗതനായ അരുൺ ബോസ് ടോവിനോ തോമസിനെ നായകനാക്കി സംവിധാനം ചെയ്ത പുതിയ ചിത്രമാണ് 'ലൂക്ക'. നിഹാരിക എന്ന നായിക വേഷത്തിൽ അഹാന കൃഷ്ണകുമാറും എത്തുന്നു. ലിൻ്റോ തോമസ്, പ്രിൻസ് ഹുസൈൻ, ഗോകുൽ നാഥ് ജി. എന്നിവർ ചേർന്ന് നിർമ്മിക്കുന്ന ചിത്രത്തിൻ്റെ തിരക്കഥ രചിച്ചിരിക്കുന്നത് മ‍ൃദുൽ ജോർജും അരുൺ ബോസും ചേർന്നാണ്.


പോലീസ് കേസന്വേഷണത്തിലൂടെ പറയുന്ന ഒരു പ്രണയകഥയാണ് ലൂക്ക. ലൂക്കയായി എത്തുന്ന ടോവിനോ ഭേദപ്പെട്ട പ്രകടനം കാഴ്ച വെയ്ക്കുന്നുണ്ട്. നിതിൻ ജോർജ്, രാജേഷ് ശർമ്മ, വിനീത കോശി, ഷാലു റഹീം തുടങ്ങിയവർ മറ്റു പ്രമുഖ വേഷങ്ങൾ കൈകാര്യം ചെയ്തിരിക്കുന്നു. സൂരജ് എസ്‌. കുറുപ്പ് ഒരുക്കുന്ന പശ്ചാത്തല സംഗീതം ഭേദപ്പെട്ടതായിരുന്നു. ഗാനങ്ങളും തൃപ്തികരം.

സാഹിത്യം, ചിത്ര‌കല, ഫിലോസഫി എന്നീ വിഷയങ്ങളിലൂടെയാണ് ലൂക്ക കടന്ന് പോകുന്നത്.


ടോവിനോയുടെ രസകരമായ ചില രംഗങ്ങൾ സിനിമയിൽ കടന്ന് വരുന്നുണ്ട്. എന്നാൽ ചാർളി, ആർട്ടിസ്റ്റ് എന്നീ സിനിമകളിലെ വിഷയസംബന്ധമായ ചില സാമ്യതകളും ലൂക്കയിൽ കാണാൻ കഴിയും..

പോലീസ് കേസന്വേഷണത്തിലെ യുക്തിഹീനത, സിനിമയുടനീളം കടന്ന് വരുന്ന മഴയുടെ സാന്നിധ്യം, എന്നിവ സിനിമയിൽ കല്ലുകടിയായി നില നിൽക്കുന്നു.

അതേസമയം, സിനിമയിലെ ക്യാമറ കാഴ്ചകൾ മികച്ചതും ഭംഗിയേറിയതുമാണ്.