'അറിയില്ലേ അന്തീപ് വാരിയേറിനെ, മഹാ ഡിബേറ്ററാ'
അന്തീപ് വാരിയേറിനെപ്പറ്റിയാണ് ഇപ്പോൾ സോഷ്യൽ മീഡിയയിൽ ചർച്ച. അതിന് അന്തീപ് ആരാണെന്നല്ലേ! ആ കഥയിതാ ഇവിടെ...
Samayam Malayalam 11 Jan 2020, 11:16 pm
അന്തീപ് വാരിയേറാണ് സോഷ്യൽ മീഡിയയിൽ ഇപ്പോൾ താരം. ബാലരമയിലെ സൂത്രനും ഷേരുവുകൂടി അന്തീപ് വാരിയേറിന് കൊടുത്ത പണിയാണ് ഇപ്പോൾ സമൂഹമാധ്യമങ്ങളിൽ ചിരിയുണർത്തിയിരിക്കുന്നത്. ഈ ഗ്രാഫിക്സ് കഥ കണ്ടാൽ സമകാലിക ടെലിവിഷൻ ചർച്ചയിലെ ചില താരങ്ങളെ ഓർത്തുപോകുമെന്നുള്ളത് തീർച്ച.
മഹാ ഡിബേറ്ററാണെന്നാണ് അന്തീപ് വാരിയേർ സ്വയം കരുതുന്നത്. വാചകമടിക്കിടയിൽ സൂത്രനേയും ഷേരുവിനേയും ഡിബേറ്റിന് വെല്ലുവിളിക്കാനും അന്തീപ് ധൈര്യപ്പെട്ടു. പക്ഷേ അവർ പണികൊടുക്കുമെന്ന് അന്തീപ് കരുതിയതേയില്ല. കശ്മിത വക്കീലിന്റെ അടുത്തേക്കാണ് സൂത്രനും ഷേരുവുംകൂടി അന്തീപ് വാരിയേറിനെ ചർച്ചയ്ക്ക് അയക്കുന്നത്. പിന്നത്തെ കാര്യം പറയണോ! ഏതായാലും ആ കഥ ഇതാ ഇവിടെ.