മതിലുണ്ടാക്കിയവർ തന്നെ പൊളിക്കുകയാണോ !

ഏയ് ഞാനല്ല സാറല്ല അത് പറഞ്ഞത്, സാറിന്‍റെ നാക്കല്ല്യയോ...അതേയ്...ഞങ്ങളുടെ മനസ്സിലിരിപ്പിന്‍റെ പ്രശ്നമായി കരുതികോളാട്ടോ..ബെറുതെ ഓരോന്ന് ചിന്തിച്ച്...ചിന്തിച്ച്...ഛെ...ഇതിപ്പോ പൊന്നാനിയില്‍ എല്‍ഡിഎഫ് കണ്‍വീനര്‍ എ വിജയരാഘവന്‍ ആലത്തൂരിലെ യുഡിഎഫ് സ്ഥാനാര്‍ഥി രമ്യ ഹരിദാസിനെതിരെ നടത്തിയ വിവാദ പരാമര്‍ശം ഏറെ വിവാദമായ സമയമാണ്. വോട്ടുപിടിക്കാനും അശ്ലീലം കടമെടുക്കേണ്ട സ്ഥിതിയായോ...ദേവ്യേ...

വെറുതെ നിങ്ങളോരോന്ന് ചിന്തിച്ച് കൂട്ടീട്ടാ...ഹേയ്...ഞാനങ്ങനൊന്നുമല്ല ഉദ്ദേശിച്ചതെന്നാണ് വിജയരാഘവൻ ഇന്ന് മാധ്യമങ്ങളോട് പറഞ്ഞത്...രാഘവോയ്...ഇതിപ്പോ പറഞ്ഞുവരുമ്പോ നമ്മടെ നെഗറ്റീവ് മൈൻഡാണ് അങ്ങനെ തോന്നിപ്പിച്ചതെന്ന രീതിയിലായി. ഹോ...മൂഡ് പോയ്..മൂഡ് പോയ്...

ഏതായാലും ദാണ്ടെ അതിന് പിന്നാലെ പ്രിയങ്കാജിക്കെതിരെ ബിജെപിയുടെ ശ്രീധരന്‍ പിള്ളയും അടുത്തൊരു വിവാദപര‍ാമര്‍ശവുമായി എത്തിയിരിക്കുകയാണ്. തീരുമ്പ തീരുമ്പ ഓരോരുത്തരുണ്ടേതായാലും.

ഏതാലും ഈ സംഭവവികാസങ്ങളുടെയൊക്കെ ചുവടുപിടിച്ച് പെൻസിലാശാൻ വിഷ്ണു മാധവ് വരച്ച കാര്‍ട്ടൂൺ സോഷ്യൽമീഡിയയിൽ വൈറലായിരിക്കുകയാണ്. കാര്‍ട്ടൂണിൽ ശബരിമലസമയത്തെ വനിതാ മതിലുപണിയെ നൈസായി ട്രോളിയിട്ടുമുണ്ട്. ''ആരും പേടിക്കണ്ട, മതിലുണ്ടാക്കിയവർ തന്നെ പൊളിച്ചോളും വായിൽ തോന്നിയത് വിളിച്ചു പറയുന്നതിന് കയ്യടിക്കാതിരുന്ന ആ അണികളോട് ബഹുമാനം'' എന്നാണ് കാര്‍ട്ടൂണിന് നൽകിയിരിക്കുന്ന തലവാചകം.

കാര്‍ട്ടൂൺ കടപ്പാട്: പെൻസിലാശാൻ