വൈന്‍ കുടിച്ചും കേക്ക് മുറിച്ചും സന്തോഷവതിയായി ജോളി; വൈറലായി വിവാഹചിത്രങ്ങള്‍

കൂടത്തായി പരമ്പര കൊലപാതകം വന്‍ കോളിളക്കമാണ് കേരളക്കരയില്‍ ഉണ്ടാക്കിയത്. സമാനരീതിയില്‍ ഒരു കുടംബത്തിലെ ആറു പേരെയും കൊലപ്പെടുത്തുകയായിരുന്നു കൂടത്തായിയിലെ ജോളി.
സംഭവത്തില്‍ സമൂഹമാധ്യമങ്ങളില്‍ നിരവധി ട്രോളുകളാണ് ഉയരുന്നത്. ജോളിയുടെ പേരില്‍ ഫേസ്ബുക്ക് പേജും തുടങ്ങി കഴിഞ്ഞു. ജോളിയുടെയും ഷാജുവിന്റെയും രണ്ടാം വിവാഹ ചിത്രങ്ങളാണ് ഇപ്പോള്‍ ചര്‍ച്ചാ വിഷയം.

ഇതിലൊരു ചിത്രത്തില്‍ ജോളിയേയും ഷാജുവിനേയും കൂടാതെ ജോളിയുടെ ആദ്യ ഭര്‍ത്താവ് റോയിയുടെ അച്ഛന്‍ ടോം തോമസ്, ഭാര്യ അന്നമ്മ, റോയിയുടെ സഹോദരി റഞ്ചി, സഹോദരന്‍ റോജോ എന്നിവരേയും കാണാം.

സിലി കൊല്ലപ്പെട്ട് ഒരു വര്‍ഷത്തിനു ശേഷമാണ് ഷാജുവും ജോളിയും വിവാഹിതരാകുന്നത്. വിവാഹ ചിത്രങ്ങളില്‍ വളരെ സന്തോഷവതിയായി നില്‍ക്കുന്ന ജോളിയെ കാണാം.
പരസ്പരം കേക്ക് നല്‍കുന്നതും വൈന്‍ നല്‍കുന്നതും ഭക്ഷണം കഴിക്കുന്നതും അടക്കമുളള ചിത്രങ്ങളാണ് പുറത്ത് വന്നിരിക്കുന്നത്.

സിലിയുടെ മരണദിവസത്തെ ചിത്രങ്ങളും ഇതോടൊപ്പം പ്രചരിക്കുന്നുണ്ട്. സിലിയുടെ മൃതദേഹത്തില്‍ ജോളിയും ഷാജുവും ചുംബിക്കുന്ന ചിത്രവും ഉണ്ട്.