സംഘടനാ പരമായ നടപടിയും പാർട്ടി അന്വേഷണവും മതിയെന്നും തന്‍റെ പാർട്ടി ഒരു കോടതിയും പൊലീസ് സ്റ്റേഷനുമാണെന്നും ജോസഫൈൻ പറഞ്ഞതാണ് ട്രോളന്‍മാര്‍ ചേര്‍ന്ന് അലക്കുന്നത്. വളരെ രസകരമായ ട്രോളുകള്‍ക്ക് താഴെ നിരവധി കമന്‍റുകളാണ് എത്തിയിരിക്കുന്നത്. ട്രോള്‍ മലയാളം പേജില്‍ എത്തിയ ട്രോളുകള്‍ കാണാം.
ഇവിടുത്തെ കോടതിക്കും നിയമത്തിനുമൊക്കെ എന്താണ് പ്രസക്തി
ഇവിടെ എല്ലാ പാര്‍ട്ടിക്കാരും ഇങ്ങനെ തുടങ്ങിയാല്‍ ഇവിടുത്തെ കോടതിക്കും നിയമത്തിനുമൊക്കെ എന്താണ് പ്രസക്തി എന്ന് താഴെ കമന്‍റുകള്‍ എത്തുന്നുണ്ട്. ഭരണഘടനയ്ക്ക് എതിരെ പ്രസ്താവന നടത്തിയതിന് ഇവര്‍ക്കെതിരെ ഇനി കേസെടുക്കുമോ എന്നാണ് ട്രോളന്‍മാര്‍ ചോദിക്കുന്നത്.
ഞാനൊന്നും പറയുന്നില്ലാ
ഇനി അധികം ഒന്നും പറയേണ്ടതില്ലെന്നാണ് ട്രോളന്‍മാര്‍ പറയുന്നത്. ഇരിക്കുന്ന കസേരയുടെ മഹത്വം അറിയാത്ത ഇവർക്കെതിരെ ഹൈകോർട്ട് സ്വമേധയാ കേസ്‌ എടുക്കണം എന്നാണ് താഴെ കമന്‍റുമായി എത്തിയിരിക്കുന്നത്.
വിഷയം വളരെ ഗൗരവമായി കാണണം എന്ന് കമന്‍റ്
ഇന്ത്യൻ ഭരണ ഘടനയ്ക്കും, നിയമ സംവിധാനത്തിനും അനുസരിച്ച് അല്ലാതെ സ്വന്തം കോടതിയും പോലീസും ആയിട്ടാണ് പ്രവർത്തനം എന്ന വനിതാ കമ്മിഷൻ അധ്യക്ഷയുടെ വെളിപ്പെടുത്തൽ വളരെ ഗൗരവം ആയി നിയമ വൃത്തങ്ങൾ പരിശോധിക്കണമെന്ന കമന്‍റുകള്‍ എത്തുന്നുണ്ട്.
എവിടുന്നു വരുന്നോ എന്തോ
ഇവര്‍ എവിടുന്നു വരുന്നോ എന്തോ എന്നാണ് ട്രോളന്‍മാര്‍ പ്രതികരിച്ചിരിക്കുന്നത്. എറണാകുളത്തു ഉള്ള ഹൈക്കോടതി കെട്ടിടം എത്രയും പെട്ടന്ന് മറ്റു പല ആവിശ്യങ്ങൾക്കും ഉപയോഗിക്കണം എന്നാണ് കമന്‍റുകള്‍ എത്തുന്നത്.
ആ കസേരയുടെ വിലകളയരുത്
സുഗതകുമാരിയെ പോലെ ഉള്ള വിവേകമുള്ളവര്‍ ഇരുന്ന കസേരയുടെ വില കളയരുതെന്നാണ് ട്രോളന്‍മാര്‍ പറയുന്നത്.