പാലം കടക്കുവോളം നാരായണ...പാലം കടന്നാൽ പിന്നെ കൂരായണ എന്നു പറഞ്ഞ് മുഖ്യമന്ത്രി പിണറായി വിജയനെതിരെ ട്രോള് പൂരം. "മാറിനിൽക്ക് അങ്ങോട്ട്" എന്ന് മാധ്യമങ്ങളോട് ഗസ്റ്റ് ഹൗസിൽ വച്ച് ഇന്ന് രാവിലെ മുഖ്യമന്ത്രി ക്ഷോഭിച്ചതോടെയാണ് സോഷ്യൽമീഡിയയിലുള്പ്പെടെ അദ്ദേഹത്തിന് ട്രോളുകള് വന്ന് തുടങ്ങിയിരിക്കുന്നത്.
തെരഞ്ഞെടുപ്പ് കാലത്ത് മാധ്യമങ്ങളോടൊക്കെ ഏറെ സൗമ്യനായി ഇടപെട്ടിരുന്ന മുഖ്യമന്ത്രി തിരഞ്ഞെടുപ്പ് കഴിഞ്ഞതിന് പിറ്റേന്ന് തന്നെ പ്ലേറ്റ് മറിച്ചതിനെതിരെയാണ് പലരും ട്രോളുകള് ഇട്ടിരിക്കുന്നത്. മുമ്പ് ''കടക്ക് പുറത്തെ''ന്ന രീതിയിൽ മാധ്യമങ്ങളോട് പ്രതികരിച്ചിട്ടുമുണ്ട് മുഖ്യമന്ത്രി.
തിരഞ്ഞെടുപ്പിന് മുമ്പും ശേഷമുള്ള മുഖ്യന്റെ വിവിധ ഭാവങ്ങള് സൃഷ്ടിച്ചുകൊണ്ടുള്ള ട്രോളുകളും വൈറലാണ്. മാറി നിൽക്കങ്ങോട്ട്, കടക്ക് പുറത്ത് എന്നൊക്കെ പറയുന്ന മുഖ്യന് കല്ലട ബസിലെ കണ്ടക്ടറാണോയെന്ന് വരെ ചിലര് ട്രോളിൽ ചോദിക്കുന്നുമുണ്ട്.
ട്രോളുകള്ക്ക് ആധാരമായ വാര്ത്ത ചുവടെ :
"മാറി നിക്ക്"! ഉയർന്ന പോളിങിനെക്കുറിച്ച് ചോദ്യം; ക്ഷോഭിച്ച് മുഖ്യമന്ത്രി
"മാറി നിക്ക്"! ഉയർന്ന പോളിങിനെക്കുറിച്ച് ചോദ്യം; ക്ഷോഭിച്ച് മുഖ്യമന്ത്രി