കന്നിവോട്ട് കഞ്ഞിയാവുമോ; അറിയാൻ ഇനി ഒരാഴ്ച !

അങ്ങനെ തിരഞ്ഞെടുപ്പ് മാമാങ്കത്തിന്‍റെ അവസാനത്തെ ആഴ്ചയിലേക്ക് അടുത്തിരിക്കുകയാണ്. മെയ് 23ന് അടുത്ത അഞ്ച് വര്‍ഷം ഇന്ത്യയുടെ ഭരണസിരാകേന്ദ്രത്തിൽ ആരാകുമെന്നറിയാം. വോട്ട് കുത്തിയവര്‍ക്കും ആഘോഷത്തിന്‍റെ സമയം. ഇക്കുറി കന്നിവോട്ട് രേഖപ്പെടുത്തിയവര്‍ക്കാകട്ടെ ജനാധിപത്യത്തിന്‍റെ ഉത്തുംഗ ശിലയിൽ തങ്ങളുടെ വോട്ടുകുത്തലും രേഖപ്പെടുത്തിയെന്നതിൽ സമാശ്വസിക്കാം. പക്ഷേ ചിലര്‍ക്കെങ്കിലും കന്നിവോട്ട് അഥവാ ആദ്യമായി കുത്തിയ വോട്ട് കഞ്ഞിയായിപ്പോകുമോ എന്ന പേടിയില്ലാതില്ലതാനും.

ഈയൊരു അവസ്ഥ മുൻനിര്‍ത്തി ഫേസ്ബുക്കിൽ കാര്‍ട്ടൂൺ വരകളിലൂടെ പേരുകേട്ട പെൻസിലാശാൻ വിഷ്ണു വോയ്സ് ഓഫ് ട്രിവാൻഡ്രം എന്ന ഫേസ്ബുക്ക് പേജിൽ വരച്ച ഒരു കാര്‍ട്ടൂൺ വൈറലായിരിക്കുകയാണ്. തങ്ങള്‍ കുത്തിയ കന്നിവോട്ട് വെറും കഞ്ഞി വോട്ടായി മാറുമോ എന്ന യുവമിഥുനങ്ങളുടെ ആശങ്കയാണ് ഇവിടെ വരച്ചുകാണിച്ചിരിക്കുന്നത്. ഇലക്ഷന് മത്സരിച്ച സ്ഥാനാര്‍ഥികളേക്കള്‍ നെഞ്ച് പടാ പടാന്ന് ഇടിക്കുന്നത് ഇവരുടെയാണെന്നാണ് കാര്‍ട്ടൂണിസ്റ്റ് സമര്‍ത്ഥിച്ചിരിക്കുന്നത്.