ഇനിയും കൊതിപിക്കല്ലേ മാമാ
ഗൂഗിള്‍ പ്ലേ സ്റ്റോറില്‍ ഏറ്റവുമധികം ആളുകള്‍ ഇപ്പോള്‍ തെരഞ്ഞത് ഈ ആപ്പ് ആണെന്നാണ് ട്രോളന്മാര്‍ പറയുന്നത്. ആപ്പ് ഡൗൺലോഡ് ചെയ്തു കഴിഞ്ഞ ശേഷം, മദ്യം മേടിക്കാൻ ഇറങ്ങിയ മകനോട് അച്ഛൻ.. കണ്ട കൂട്ടുകാരുടെ വീട്ടിൽ ഒന്നും പോകാതെ നേരെ വീട്ടിൽ തന്നെ കൊണ്ട് വന്നേക്കണം കേട്ടോടാ മക്കളെ എന്നായിരിക്കും പറയുന്നതെന്ന് ട്രോളന്മാര്‍ പറയുന്നു. മൊബൈലില്‍ കളിച്ചിരിക്കുന്നതിന് മക്കളെ ചീത്ത പറഞ്ഞിരുന്ന അച്ഛന്‍ ആപ്പ് വന്നോ എന്നു നോക്കാന്‍ പറയുന്നതും ട്രോളുകള്‍ ആയി എത്തുന്നുണ്ട്.
5 അല്ല വേണമെങ്കിൽ 10 സ്റ്റാറും തരാം
ഡൗണ്‍ലോഡ് ചെയ്യുന്ന ആപ്പിന്‍റെ സ്റ്റാര്‍ കണക്കുകളെയും വെറുതെ വിട്ടില്ല. 5 അല്ല വേണമെങ്കിൽ 10 സ്റ്റാറും തരാം എന്നാണ് ട്രോളന്മാര്‍ പറയുന്നത്. കാഞ്ചനമാല പോലും കാത്തിരുന്നിട്ടുണ്ടാവില്ല ഇതേപോലെ എന്നും ആപ്പില്‍ ടിക് ടോക് പോലെ കുടിയൻമാരുടെ കലാപ്രകടനങ്ങൾ കാണിക്കാൻ ഒരു ഓപ്ഷൻ കൂടി വേണം എന്ന ആവശ്യവും കമന്‍റായി എത്തുന്നുണ്ട്.
ഫ്രിഡ്ജ് പോലും ഇത്രക്ക് തുറന്നിട്ടില്ല
പ്ലേ സ്റ്റോര്‍ ആണ് ഇപ്പോള്‍ തുറക്കുന്നത് രാവിലെയും വൈകിട്ടും എന്ന് കമന്‍റുകൾ എത്തുന്നുണ്ട്. വീട്ടിലെ ഫ്രിഡ്ജ് പോലും ഇത്രപ്രാവിശ്യം തുറന്നിട്ടുണ്ടാകില്ല, പെട്ടന്ന് വരില്ലേ ഇതുവഴി, കണ്ണില്‍ എണ്ണ ഒഴിച്ച് കാത്തിരിക്കുന്നു, എന്നിങ്ങനെ രസകരമായ കമന്‍റുകള്‍ എത്തുന്നുണ്ട്.
ആപ്പ് വന്നോ മക്കളേ
ഛോട്ടാ മുംബൈ എന്ന സിനിമയില്‍ 'മോനെ ഷക്കീല വന്നോ' എന്ന സീന്‍ എടുത്താണ് ട്രോള്‍ ഉണ്ടാക്കിയിരിക്കുന്നത്. രസകരമായ നിരവധി കമന്‍റുകളാണ് ഈ ട്രോളുകള്‍ക്ക് താഴെ എത്തിയിരിക്കുന്നത്.
വരണം ആപ്പ് ,തുടരണം ആഘോഷം
വരണം ആപ്പ് ,തുടരണം ആഘോഷം, ജയ് ജവാൻ എന്ന ഹാഷ്ടാഗ് വരെ എത്തിയിട്ടുണ്ട് സോഷ്യല്‍ മീ‍ഡിയയില്‍. ആപ്പ് നിർമിക്കാൻ മുൻകൈ എടുത്ത കേരള സർക്കാരിനും,അപ്പ്രൂവ് ചെയ്‌ത സുന്ദർ അണ്ണനും മണവാളൻ ആൻഡ് സൺസിന്റെ പേരിലും എന്റെ വ്യക്തിപരമായ പേരിലും നന്ദി രേഖപെടുത്തിക്കൊള്ളുന്നു എന്ന കമന്‍റാണ് ഇതിന് മറുപടിയായി എത്തിയിരിക്കുന്നത്.