അയ്യോ ഇത് ആന്ദ്രേ റസ്സല്‍ അല്ല; 'പ്രാന്തന്‍ റസ്സല്‍' ആണേ...

ഐപിഎല്ലില്‍ ആന്ദ്രേ റസലിന്‍റെ ബാറ്റിങ് വെടിക്കെട്ട് കണ്ട് കൊതിതീര്‍ന്നിട്ടില്ല. ജയിക്കുമെന്ന് കരുതിയ റോയല്‍ ചലഞ്ചേഴ്സ് ബാംഗ്ലൂരിനെ കൊല്‍ക്കത്ത നൈറ്റ് റൈഡേഴ്സ് അഞ്ചുവിക്കറ്റിനാണ് തോൽപ്പിച്ചുകളഞ്ഞത്. 13 പന്തില്‍ 48 റണ്‍സെടുത്ത ആന്ദ്രേ റസലിന്‍റെ വെടിക്കെട്ട് ഇന്നിങ്ങ്സിന് പിന്നാലെ ട്രോളര്‍മാര്‍ പണി തുടങ്ങിയിരിക്കുന്നത്.

ആദ്യ നാല് ബോളുകളില്‍ നിന്നായി ഒരു റണ്‍ ആയിരുന്നു റസ്സൽ എടുത്തതെങ്കിൽ പിന്നീടുള്ള 9 ബോളുകളില്‍ 47 റണ്‍സ് അടിച്ചുകൂട്ടിയത് ഏഴ് സിക്‌സും ഒരു ഫോറും ഉള്‍പ്പടെയാണ്.
നാലോവറില്‍ കൊല്‍ക്കത്തയ്ക്ക് ജയിക്കാന്‍ 75 റണ്‍സ് വേണമായിരുന്നു. ആറാമനായി ക്രീസിലെത്തിയ ആന്ദ്രേ റസല്‍ അഞ്ചുപന്ത് ശേഷിക്കെയാണ് കൂറ്റന്‍ സിക്സറുകളിലൂടെ വിജയം കൈപ്പിടിയിലൊതുക്കിയത്. റസലിനെ ദശമൂലം ദാമുവായും മറ്റുമാക്കിയാണ് ട്രോളുകള്‍ ഒരുക്കിയിരിക്കുന്നത്.