'പി.കെ രാംദാസ് എന്ന വൻമര'ത്തെ ട്രോളികൊന്ന് ട്രോളന്മാര്‍

ട്രോളന്മാർക്കിടയിൽ ഇപ്പോൾ തരംഗമായിരിക്കുന്നത് ലൂസിഫര്‍ സിനിമയും അതിലെ പി കെ രാംദാസ് എന്ന കഥാപാത്രവും. സിനിമ ആമസോണിൽ വന്നതോടെയാണ് ട്രോളന്മാരുടെ വിരൽതുമ്പിലെത്തിയത്. ഇതോടെയാണ് പി.കെ രാം ദാസ് എന്ന വന്മരത്തെ അവര്‍ ഏറ്റെടുത്തിരിക്കുന്നത്.


പൃഥ്വിരാജ്-മോഹൻലാൽ ചിത്രം ലൂസിഫറിലെ ഇന്ദ്രജിത്ത് പറയുന്ന പി കെ രാംദാസ് എന്ന വന്മരം വീണു, ഇനിയാര് എന്ന ചോദ്യമാണ് ഈ ട്രോളുകളുടെയെല്ലാം ഉറവിടം. വന്മരം എന്ന പ്രയോഗത്തെ തന്നെയാണ് ട്രോളന്മാർ പ്രധാനമായി ലക്ഷ്യം വച്ചിരിക്കുന്നത്.

പൊട്ടിച്ചിരി പടർത്തുന്ന നിരവധി ട്രോളുകളാണ് വന്മരവുമായി ബന്ധപ്പെട്ട് സോഷ്യൽ മീഡിയയിൽ നിറഞ്ഞിരിക്കുന്നത്. ലേലം, തേന്മാവിൻ കൊമ്പത്ത്, മീശ മാധവൻ എന്നീ സിനിമകളിലേയും കൂടാതെ കരിക്കിലെ തേരാപാര എപ്പിസോഡിലേയും കഥാപാത്രങ്ങളെ ഉള്‍ച്ചേര്‍ത്താണ് ഭൂരിഭാഗം ട്രോളുകളും ട്രോളന്മാര്‍ തീര്‍ത്തിരിക്കുന്നത്.