പപ്പുവിന്റെ പരീക്ഷണം അപാരം തന്നെ!!

പപ്പു പാറ്റയെ പിടിച്ച് ഒരു പരീക്ഷണം നടത്തുകയായിരുന്നു. പാറ്റയുടെ ഒരു കാല് മുറിച്ച് കളഞ്ഞിട്ട് പപ്പു പാറ്റയോട് പറഞ്ഞു...

നടക്ക്..

പാറ്റ മൂന്ന് കാല് വച്ച് നടന്നു.

ഒരു കാല് കൂടി മുറിച്ചിട്ട് വീണ്ടും പഴയ പല്ലവി തന്നെ പപ്പു ആവര്‍ത്തിച്ചു.

നടക്ക്..

പാറ്റ വീണ്ടും നടന്നു.

മൂന്നാമത്തെ കാലും പപ്പു മുറിച്ചു. നടക്ക്...

വീണ്ടും വിഷമിച്ച് പാറ്റ നടന്നു

നാലാമത്തെ കാലും മുറിച്ചിട്ട് വീണ്ടും പപ്പു ആക്രോശിച്ചു. നടക്ക്...

പാറ്റ നടന്നില്ല.

ഇത് കണ്ട് സന്തോഷം കൊണ്ട് തുള്ളിച്ചാടി യൂറേക്ക, യൂറേക്ക എന്ന് വിളിച്ച് പപ്പു പുറത്തിറങ്ങി...

എന്നിട്ട് പപ്പു വിളിച്ച് പറഞ്ഞു. "നാല് കാലും മുറിച്ചാല്‍ പാറ്റയ്ക്ക് പിന്നെ ചെവി കേള്‍ക്കാനാവില്ല."