ഇന്ത്യയിലെ സര്‍ക്കാര്‍ വെബ്‍സെെറ്റ് ലക്ഷ്യമിട്ട് ഹാക്കര്‍ ഗ്രൂപ്പ്

ന്യൂയോര്‍ക്ക്: ഇന്ത്യയിലെ സര്‍ക്കാര്‍ വെബ്‍സെെറ്റാണ് അടുത്ത ലക്ഷ്യമെന്ന് ഹാക്കര്‍ ഗ്രൂപ്പായ ലീജിയണ്‍. കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുടെയും, വിജയ് മല്യയുടെയും മാധ്യമപ്രവര്‍ത്തകരായ ബര്‍ഖ ദത്ത്, രാവിഷ് കുമാര്‍ എന്നിവരുടെയും ട്വിറ്റര്‍ അക്കൗണ്ടുകള്‍ ലീജിയണ്‍ ഹാക്ക് ചെയ്തിരുന്നു. യുഎസ് മാധ്യമമായ വാഷിങ്ടണ്‍ പോസ്റ്റിനും ഫാക്ടര്‍ഡെയ്ലി ഡോട്ട് കോമിനും അനുവദിച്ച എന്‍ക്രിപ്റ്റഡ് ഇന്‍സ്റ്റന്റ് മെസേജിങ് സോഫ്‍റ്റ്‍വെയര്‍ അഭിമുഖത്തിലാണ് ലീജിയണിന്റെ പ്രതിനിധി ഇക്കാര്യം അറിയിച്ചത്.
രാജ്യസഭാ, ലോക്സഭാ എംപിമാരുടെ ഇമെയില്‍ വിലാസം ഉള്‍ക്കൊള്ളുന്ന സന്‍സദ് ഡോട്ട് എന്‍ഐസി ഡോട്ട് ഇന്‍ (sansad.nic.in) എന്ന ഡൊമെയ്ന്‍ ആണ് ലീജിയണ്‍ ലക്ഷ്യമിടുന്നത്.

സര്‍ക്കാരുമായി ബന്ധപ്പെട്ടവരാണ് ഈ ഡൊമെയ്ന്‍ ഉപയോഗിക്കുന്നത്. അതുകൊണ്ടാണ് ഇതു ഹാക്ക് ചെയ്യുന്നത്.