ഓണാഘോഷങ്ങള് പലയിടത്തും വ്യത്യസ്തങ്ങളാണ്. കേരളത്തില് തന്നെ തെക്കു മുതല് വടക്കു വരെയുളള ഓണാഘോഷങ്ങളുടെ കാര്യത്തിലും ഓണസദ്യിലുമെല്ലാം തന്നെ ഈ വ്യത്യാസങ്ങള് വരുന്നുമുണ്ട്. പൊതുവേ വടക്കേ മലബാറില് തെയ്യം, തിറ പോലുള്ള പാരമ്പര്യ കലാരൂപങ്ങള്ക്ക് ഏറെ പ്രസക്തിയുണ്ട്. ഓണവുമായും ഇത്തരത്തിലുളള ഒരു തെയ്യം രൂപം ബന്ധപ്പെട്ടു കിടക്കുന്നു. ഓണത്തിന്റെ വരവറിയിച്ച്, ഐശ്വര്യത്തിനായി വീടു തോറും സന്ദര്ശിയ്ക്കുന്ന ഓണത്തെയ്യങ്ങളുണ്ട്.
ഓണപ്പൊട്ടന് എന്നാണ് ഇതിന്റെ പേര്.തെയ്യം തന്നെ, പക്ഷേ സംസാരിയ്ക്കില്ല. മുഖത്തെ ചമയത്തില് നിന്നും തന്നെ പൊട്ടന് എന്ന സംഗതി അറിയാം. വാ മൂടിയ അലങ്കാരമാണ് ഈ തെയ്യം രൂപത്തിന്റേത്. ഓണത്തെയ്യത്തിന്റെ സംസാരിയ്ക്കാത്ത രൂപമാണിത്. ഉത്രാടത്തിനാണ് പ്രധാനമായും ഓണപ്പൊട്ടന് വീടുകളില് സന്ദര്ശനം നടത്തുക. ഇതിലൂടെ വീടിന് ഐശ്വര്യമുണ്ടാകുന്നുവെന്നാണ് വിശ്വാസം. കൈതനാരു കൊണ്ട് മുടിയും കുരുത്തോലക്കുടയും മുഖത്തു ചായവുമാണ് ഓണപ്പൊട്ടന്റെ വേണം. നിലത്തൊരിയ്ക്കലും കാലുറപ്പിച്ചു നില്ക്കാതെ താളം ചവിട്ടുകയും ഓടുകയുമെല്ലാമാണ് ഓണപ്പൊട്ടന് ചെയ്യുക. ഓണപ്പൊട്ടിന് വീടുകളില് നിന്നും ദക്ഷിണയായി അരിയും പണവുമെല്ലാം നല്കും. തൈറോയ്ഡിന് മരുന്നില്ലാതെ മൂന്നു ചേരുവയില് പരിഹാരം
പൊതുവേ മലയ സമുദായത്തില് പെട്ടവരാണ് ഈ തെയ്യം വേണം, കെട്ടുക. പണ്ട് രാജാക്കന്മാര് നല്കിയ അവകാശമാണ് ഇത്. ഓണേശ്വരന് എന്നും ഓണപ്പൊട്ടന് അറിയപ്പെടുന്നു. മഹാബലിയുടെ രൂപമാണ് ഇതാണ് എന്നാണ് വിശ്വാസം. സംസാരിയ്ക്കാത്ത ഓണപ്പൊട്ടന് മണി കിലുക്കിയാണ് തന്റെയും ഒപ്പം ഓണത്തിന്റെയും വരവറിയിക്കുന്നത്. ഒരു ഹാസ്യരൂപം കൂടിയാണിത്. കുട്ടികള്ക്കും കണ്ടു നില്ക്കുന്നവര്ക്കും കൗതുകം പകരുന്ന ശാരീരിക ഭാഷമാണ് പൊതുവേ ഓണപ്പൊട്ടന്റേത്. കീരിടം, കൈവള എന്നിവയെല്ലാം തന്നെ ഓണപ്പൊട്ടന്റെ ആടയാഭരണങ്ങളില് പെടുന്നു.