ചൈനയിൽ ഒപ്പോ R9ഉം R9 പ്ലസ്സും വിപണിയിലേയ്ക്ക്

രണ്ട് പുതിയ സ്മാര്‍ട്ട് ഫോണുകളുമായി ഒപ്പോ രംഗത്ത്. R9, R9 പ്ലസ് എന്നീ രണ്ട് പുതിയ ഫോണുകളാണ് ഒപ്പോ ചൈനീസ് വിപണിയിലിറക്കിയിരിക്കുന്നത്. ഗോള്‍ഡ്, റോസ് ഗോള്‍ഡ് എന്നീ നിറങ്ങളില്‍ ഫോണ്‍ ലഭ്യമാണ്. R9, R9 പ്ലസ് ഫോണുകള്‍ക്ക് യഥാക്രമം 27700 രൂപയും 34700 രൂപയുമാണ് ചൈനീസ് വിപണിയിലെ ഏകദേശ ഇന്ത്യൻ വില.

6 ഇഞ്ച് ഫുള്‍ എച്ച് ഡി സ്‌ക്രീനിന്‍റെ റെസല്യൂഷന്‍ 1080x1920പിക്‍‍‍സലാണ് ഒപ്പോ R9 പ്ലസിന്‍റെ മുഖ്യ സവിശേഷത. കോണിങ്ങ് ഗൊറില്ല ഗ്ലാസാണ് ഫോണിന്.1.9GHz സ്നാപ് ഡ്രാഗണ്‍ 653 ഒക്ടാകോര്‍ പ്രോസസര്‍ ഫോണിന് കരുത്തേകുന്നു. 6GB റാമും 64GB ഇന്‍റേണല്‍ സ്റ്റോറേജുമാണ് ഫോണിന്‍റെ പ്രത്യേകതയാണ്.

പിന്നിലേയും മുന്നിലേയും ക്യാമറയ്ക്ക് എല്‍ ഇ ഡി ഫ്ലാഷോടു കൂടിയ 16 മെഗാ പിക്സലാണുള്ളത്. ആന്‍ഡ്രോയിഡ് 6.0 മാർഷല്ലോയും ഒപ്പോയുടെ സ്വന്തം ColorOS 3.0 സ്കിൻ എന്നിവയും ചേര്‍ന്നാണ് ഇത് പ്രവര്‍ത്തിക്കുക. ഹൈബ്രിഡ് ഡുവല്‍ സിം മോഡും 4000mAh ബാറ്ററിയുമാണുള്ളത്.

ഒപ്പോ R9 ന് 5.5 ഇഞ്ച് ഫുള്‍ എച്ച്.ഡി 1080x1920 പിക്സൽ റസല്യൂഷനാണ്. 2.0GHz സ്നാപ്ഡ്രാഗണ്‍ 625 ഒക്ടാകോര്‍ പ്രോസസറും 4ജിബി റാമുമാണ് മുഖ്യ സവിശേഷത, Adreno 506 GPUവും 3010mAh ബാറ്ററിയുമാണ് ഈ ഫോണില്‍ ഉപയോഗിച്ചിരിക്കുന്നത്.

ഹോം ബട്ടന്‍റെ ഉള്ളില്‍ ഫിംഗര്‍പ്രിന്‍റ് സെന്‍സര്‍, സാധാരണ സ്മാര്‍ട്ട്‌‍‍ഫോണുകളില്‍ കാണുന്ന 1.5mm to 2mm വീതിയുള്ള ആന്‍റിന ലെന്‍സില്‍ നിന്നും വ്യത്യസ്തമായി 0.3mm വീതിയുള്ള മൂന്നു ആന്‍റിന ലെന്‍സാണ് ഇതിലുള്ളത്. ഇന്ത്യയില്‍ ഈ ഫോണ്‍ എന്നാണ് എത്തുകയെന്ന കാര്യം തീരുമാനിച്ചിട്ടില്ല.