കല്യാണമാ കല്യാണം; നിരഞ്ജിന് വധുവാകാൻ നിരഞ്ജന; മണിയൻ പിള്ള രാജുവിന്റെ ഇളയമകന് മാംഗല്യം!

മണിയൻപിള്ള രാജുവിന്റെ മകനും നടനുമായ നിരഞ്ജ് വിവാഹിതനാകുന്നു. ഫാഷൻ ഡിസൈനറായ നിരഞ്ജനയാണ് വധു. ഡിസംബർ ആദ്യമാണ് വിവാഹം. തിരുവനന്തപുരത്ത് വച്ച് സിനിമാ സഹപ്രവർത്തകർക്കായി റിസപ്ഷൻ ഒരുക്കുമെന്നും റിപ്പോർട്ടുണ്ട്.

നിരഞ്ജിന്റെ പുതിയ ചിത്രം ‘വിവാഹ ആവാഹനം’ നവംബർ 18 ന് ബിഗ് സ്‌ക്രീനുകളിൽ എത്തി, ചിത്രത്തിന് പ്രേക്ഷകരിൽ നിന്ന് മികച്ച പ്രതികരണമാണ് ലഭിക്കുന്നത്. സാജൻ ആലുംമൂട്ടിൽ സംവിധാനം ചെയ്ത ചിത്രത്തിൽ അജു വർഗീസ്, നിരഞ്ജ് മണിയൻപിള്ള രാജു, സാബുമോൻ അബ്ദുസമദ്, സുധി കോപ്പ, സന്തോഷ് കീഴാറ്റൂർ എന്നിവർ ആണ് പ്രധാന വേഷങ്ങളിൽ എത്തുന്നത്.

പാലിയത്ത് വിനോദ് ജി. പിള്ളയുടെയും സിന്ധു വിനോദിന്റെയും മകളാണ് നിരഞ്ജന

ഡൽഹി പേൾസ് ഫാഷൻ ഇൻസ്റ്റിറ്റ്യൂട്ടിൽനിന്നു ഫാഷൻ ഡിസൈനിങ്ങിൽ ബിരുദാനന്തരബിരുദവും നിരഞ്ജന നേടിയിട്ടുണ്ട്.

2013ല്‍ പുറത്തിറങ്ങിയ ബ്ലാക്ക്‌ ബട്ടര്‍ഫ്‌ളൈസ് എന്ന ചിത്രത്തിലൂടെയാണ്‌ നിരഞ്ജ് ചലച്ചിത്രരംഗത്ത് എത്തുന്നുന്നത്.

2017ല്‍ ബോബി എന്ന ചിത്രത്തിലൂടെ നായകനായി അരങ്ങേറ്റം കുറിച്ചു. സകലകലാശാല, ഫൈനല്‍സ്, സൂത്രക്കാരന്‍ തുടങ്ങിയവയാണ് അഭിനയിച്ച മറ്റു ചിത്രങ്ങള്‍.