തെന്നിന്ത്യയിൽ നിന്ന് ബോളിവുഡിലേക്ക് എത്തുന്ന പുതിയ നടിയാണ് അമ്രിൻ ഖുറേഷി. തെലുങ്കാന സ്വദേശിയായ അമ്രിൻ അഭിനയിക്കുന്ന പുതിയ ചിത്രമാണ് ബാഡ് ബോയ്. ബോളിവുഡ് താരം മിഥുൻ ചക്രവര്ത്തിയുടെ മകനായ നമാഷ് ചക്രവര്ത്തിക്കൊപ്പമാണ് അമ്രിന്റെ ബോളിവുഡ് അരങ്ങേറ്റം. അമ്രിന്റെ പുത്തൻ ചിത്രങ്ങൾ കാണാം.
തെലുങ്കു സിനിമാ നിർമ്മാതാവും സംവിധായകനുമായ സജിത്ത് ഖുറേഷിയുടെ മകളാണ് അമ്രിൻ ഖുറേഷി.
വീണ്ടും തെന്നിന്ത്യയിൽ നിന്ന് ഒരു നടി കൂടി ബോളിവുഡിലെത്തുകയാണ്.
സംവിധായകൻ രാജ് കുമാർ സന്തോഷിയുടെ 'ബാഡ് ബോയ്' എന്ന സിനിമയിലൂടെയാണ് അമ്രിന്റെ ബോളിവുഡ് അരങ്ങേറ്റം.
തെലുങ്കിൽ ഹിറ്റായ 'സിനിമാ ചൂപിസ്ത മാവ' എന്ന സിനിമയുടെ ഹിന്ദി റീമേക്കായാണ് ഈ ചിത്രം ഒരുങ്ങുന്നത്.
മിഥുൻ ചക്രവർത്തിയുടെ മകനായ നമാഷ് ചക്രവർത്തിയാണ് അമ്രിന്റെ നായകനായെത്തുന്നത്.
നമാഷിന്റേയും അരങ്ങേറ്റ ചിത്രമാണ് 'ബാഡ് ബോയ്'.
സിനിമയുടെ ചിത്രീകരണം 2021 ജനുവരിയിൽ തുടങ്ങാനിരിക്കുകയാണ്.
മറ്റൊരു ബോളിവുഡ് ചിത്രത്തിലും അമ്രിൻ ഖുറേഷി നായികയായി എത്താൻ ഒരുങ്ങുകയാണ്.
തെലുങ്കിൽ അല്ലു അർജ്ജുന്റെ ബ്ലോക്ക് ബസ്റ്റർ സിനിമ 'ജൂലൈ' യുടെ ഹിന്ദി റീമേക്കായ പേരിടാത്ത ചിത്രമാണ് അമ്രിൻ നായികയാവുന്ന രണ്ടാമത്തെ ബോളിവുഡ് ചിത്രം.
അന്തോണി ഡി സൂസയാണ് ഈ റീമേക്ക് സംവിധാനം ചെയ്യുന്നത്.
വിദ്യാഭ്യാസ കാലത്തു തന്നെ സിനിമാഭിനയമാണ് തന്റെ പ്രൊഫഷനെന്ന് അമ്രിൻ ഖുറേഷി മനസ്സിൽ തീർച്ചപ്പെടുത്തിയിരുന്നുവെന്ന് പറയുകയാണ്.
ഹൈദരാബാദിൽ പഠനം പൂർത്തിയാക്കിയ ഉടൻ തന്നെ ഒരു നടിയാവണം എന്ന് മനസ്സിൽ ഉറപ്പിച്ചിരുന്നു അമ്രിൻ.
അങ്ങനെ അനുപം ഖേറിന്റെ ഇൻസ്റ്റിട്യൂട്ടിൽ ചേർന്ന് അഭിനയം പഠിച്ചു.
അതിനു ശേഷം ഏതാനും അഭിനയ കളരികളിലും പങ്കെടുത്തു.
അതിനു ശേഷമാണ് സിനിമയിലേക്ക് ഒരു വേഷത്തിനായി പരിശ്രമം തുടങ്ങിയത്.
രാജ് കുമാർ സന്തോഷി പലവട്ടം ഓഡിഷൻ നടത്തിയ ശേഷമാണ് ബാഡ് ബോയിയിലെ നായികയായി തിരഞ്ഞെടുത്തത്.
സിനിമ അമ്രിന് പാഷനാണ്
ഭാഷാ ഭേദദമന്യേ അഭിനയിക്കണമെന്ന് ആഗ്രഹം.
ഹിന്ദി, തമിഴ്, തെലുങ്കു സിനിമകളിൽ മാത്രമല്ല മലയാളത്തിലും അഭിനയിക്കണമെന്നാണ് അതിയായ ആഗ്രഹമെന്ന് അമ്രിൻ.
22 വയസ്സുള്ള അമ്രിൻ സിനിമയിൽ കരിയർ സ്വപ്നം കാണുകയാണ്.
ഇൻസ്റ്റയിൽ സജീവമായ താരത്തിന് പതിനായിരത്തിലേറെ ഫോളോവേഴ്സുണ്ട്.
ഗ്ലാമർ ഫോട്ടോഷൂട്ട് ചിത്രങ്ങൾ ഇടയ്ക്കിടെ ഇൻസ്റ്റയിൽ പങ്കുവയ്ക്കാറുമുണ്ട്.
നമാഷ് ചക്രവർത്തിക്കൊപ്പം ഏതാനും ഫാഷൻ മാസികകളുടെ കവർ ചിത്രമായും അമ്രിൻ എത്തിയിട്ടുണ്ട്.