ലോക്ക്ഡൗണിലും ആരാധകര്ക്ക് സന്തോഷ വാര്ത്ത. മലയാള സിനിമാ ലോകത്ത് ഇനി കല്യാണത്തിന്റെ ഒരുക്കങ്ങള്. നടി മിയാ ജോര്ജ് വിവാഹിതയാവുകയാണ്. വിവാഹ നിശ്ചയം കഴിഞ്ഞ ദിവസം നടന്നു. ചടങ്ങില് നിന്നുമുള്ള ചിത്രങ്ങള് ഇപ്പോള് സോഷ്യല് മീഡിയയില് വെെറലായി മാറുകയാണ്. താരത്തിന് ആരാധകർ തങ്ങളുടെ ആശംസകള് നേരുകയാണ്.
കൊച്ചി സ്വദേശിയായ അശ്വിന് ഫിലിപ്പാണ് മിയയുടെ വരന്. വിവാഹ നിശ്ചയം കഴിഞ്ഞ ദിവസം നടന്നു. സെപ്റ്റംബറിലായിരിക്കും വിവാഹം എന്നുമാണ് റിപ്പോര്ട്ടുകള് പറയുന്നത്.
അശ്വിന്റെ വീട്ടില് വച്ച് കഴിഞ്ഞ ദിവസമായിരുന്നു വിവാഹ നിശ്ചയ ചടങ്ങ് നടന്നത്. കണ്സ്ട്രക്ഷന് കമ്പനി ഉടമാണ് അശ്വിന്.
അതേസമയം വിവാഹ വാര്ത്തയോട് മിയ ഇതുവരേയും പ്രതികരിച്ചിട്ടില്ല. താരത്തിന് സോഷ്യല് മീഡിയയിലൂടെ ആരാധകര് ആശംസ നേരുകയാണ്.
കോട്ടയം പാല സ്വദേശിയാണ് മിയ. ടെലിവിഷനിലൂടെയാണ് താരം മലയാളികളുടെ മുന്നിലെത്തുന്നത്. അല്ഫോണ്സാമ്മ എന്ന സീരിയലിലൂടെ ശ്രദ്ധിക്കപ്പെട്ടു. ഒരു സ്മോള് ഫാമിലിയിലൂടെ മിയ സിനിമയിലുമെത്തി.
സഹതാരമായിട്ടായിരുന്നു തുടക്കം. പതിയെ നായികയായി മാറി. റെഡ് വെെന്, മെമ്മറീസ്, വിശുദ്ധന്, അനാര്ക്കലി, പാവാട, ബ്രേദേഴ്സ് ഡെ, ഡ്രെെവിങ് ലെെസന്സ് തുടങ്ങി നിരവധി ചിത്രങ്ങളില് അഭിനയിച്ചിട്ടുണ്ട്. മലയാളത്തിന് പുറമെ മറ്റ് ഭാഷകളിലും അഭിനയിച്ചിട്ടുണ്ട്.