മലയാള സിനിമയും പ്രേക്ഷകരും ഏറെ ആവേശത്തോടെ സ്വീകരിച്ച താരമാണ് പ്രിയ വാര്യര്. എന്നാല് വളരെ പെട്ടെന്ന് തന്നെ ഒട്ടേറെ സൈബര് ആക്രമണങ്ങളും താരത്തിന് നേരിടേണ്ടതായി വന്നു. ആദ്യ സിനിമയ്ക്ക് ശേഷം നീണ്ട നാളത്തെ ഇടവേളയ്ക്ക് ശേഷമാണ് പ്രിയ വീണ്ടും മലയാള സിനിമയില് സജീവമാകുന്നത്. തിരിച്ചുവരവിലെ വിശേഷങ്ങള് പറയുകയാണ് താരമിപ്പോള്.
മലയാളത്തിലേയ്ക്ക് പ്രിയ വാര്യരുടെ തിരിച്ചുവരവിന് കാരണമായ ചിത്രമായിരുന്നു ഫോര് ഇയേഴ്സ്. നാല് വര്ഷത്തെ ഇടവേളയ്ക്ക് ശേഷമാണ് പ്രിയ ഒരു മലയാള ചിത്രം ചെയ്യുന്നത്.
പ്രേക്ഷകര്ക്ക് അരികിലേയ്ക്ക് എത്തിയത് ഫോര് ഇയേഴ്സ് ആയിരുന്നു എങ്കിലും പ്രിയ ആദ്യം അഭിയിക്കുന്ന ചിത്രം കൊള്ളയായിരുന്നു. പക്ഷേ ചിത്രത്തിന്റെ റിലീസ് വൈകിയതോടെയാണ് ചിത്രം എത്താതിരുന്നത്.
ഫോര് ഇയേഴ്സ് തീയേറ്ററില് കണ്ടിറങ്ങിയപ്പോള് കരഞ്ഞാണ് പ്രിയയയെ പ്രേക്ഷകര് കണ്ടത്. എന്നാല് അത് സന്തോഷംകൊണ്ടായിരുന്നു എന്നാണ് താരത്തിന് പറയാനുള്ളത്.
ആദ്യമായാണ് തന്റെ ഒരു സിനിമ തീയേറ്ററില് പോയി കാണുന്നത്. ഇതുവരെ താന് അഭിനയിച്ച ഒരു ചിത്രവും തീയേറ്ററില് പോയി കണ്ടിട്ടില്ലെന്നും താരം പറയുന്നു.
നാല് വര്ഷത്തിന് ശേഷം റിലീസ് ചെയ്യുന്ന ചിത്രമായതുകൊണ്ട് തന്നെ കുടുംബത്തോടൊപ്പം പോയിരു്ന് കാണണമെന്നായിരുന്നു എന്റെ ആഗ്രഹം. അതകൊണ്ട് ആദ്യ ദിവസം അവസാന 10 മിനിട്ട് നേരം മാത്രമാണ് തീയേറ്ററില് കയറുന്നത്.
സിനിമയുടെ ക്ലൈമാക്സ് ഭാഗം മാത്രമാണ് ഞാന് കാണുന്നതെങ്കിലും ഓഡിയന്സിന്റെ ഭാഗത്ത് നിന്ന് ലഭിക്കുന്ന ഒരു സപ്പോര്ട്ട് കണ്ടതോടെയാണ് ഞാന് വളരെ ഇമോഷണലായത്. കോളേജില് പഠിക്കുന്ന ഒരുപാട് ആളുകള് സിനിമ കാണാന് വന്നിരുന്നു. അവരൊക്കെ വലിയ സപ്പോര്ട്ടായിരുന്നു.
സിനിമ തീര്ന്നതും എല്ലാവരും കൂടി അടുത്തുവന്നിട്ട് നന്നായി ചെയ്തു എന്നൊക്കെ പറഞ്ഞു. അതുംകൂടി കേട്ടപ്പോള് എന്റെ നിയന്ത്രണം വിട്ട് ഞാന് കരയാന് തുടങ്ങി. ആ സമയത്തെ ഇമോഷന് എന്തൊക്കെയായിരുന്നു എന്നറിയില്ല.
കുറേക്കാലങ്ങള്ക്ക് ശേഷം ഫോര് ഇയേഴ്സിലൂടെ കുറേ ആളുകള് എന്നെ ഇഷ്ടപ്പെട്ടാന് തുടങ്ങി. അത് അവര്തന്നെ പറയുന്നത് കേട്ടപ്പോള് വലിയ സന്തോഷമാണ് തോന്നിയത്.
നാല്-അഞ്ച് വര്ഷത്തെ പ്രയത്നത്തിന്റെ ഫലമായിരുന്നു ഈ ചിത്രങ്ങള്. പ്രേക്ഷകര് ഏറ്റെടുക്കുന്ന ഒരു ചിത്രത്തിന് വേണ്ടയുള്ള കാത്തിരിപ്പ് വെറുതെയായില്ല.
ചെറുപ്പം മുതല് സിനിമയല്ലാതെ മറ്റൊരു ആഗ്രഹവും എനിക്കില്ല. അത് സാക്ഷാത്ക്കരിച്ചു എന്ന് എനിക്ക് ഇപ്പോഴും ഉള്ക്കൊള്ളാന് പറ്റുന്നില്ല.