മനോജുമായുള്ള വിവാഹം 2014ൽ; ഡിവോഴ്സിന് ശേഷം പ്രവീണുമായി വിവാഹം: ഇപ്പോൾ അമേരിക്കൻ ജീവിതം ആഘോഷമാക്കി അർച്ചന!

മിനിസ്ക്രീനിലെ സൂപ്പർ വില്ലത്തി ആയിരുന്നു അർച്ചന സുശീലൻ. ബിഗ് ബോസ് പോലെയുള്ള റിയാലിറ്റി ഷോയിലൂടെയും പ്രേക്ഷകരുടെ മുൻപിൽ എത്തിയ അർച്ചന മികച്ച ഒരു ഡാൻസർ കൂടിയാണ്. പ്രവീണുമായുള്ള വിവാഹശേഷം അഭിനയത്തിൽ നിന്നും ഇടവേള എടുത്ത അർച്ചനയുടെ വിശേഷങ്ങളും, ഏറ്റവും പുത്തൻ ചിത്രങ്ങളും.

മിനിസ്‌ക്രീൻ പ്രേക്ഷകരുടെ മുഴുവൻ ഇഷ്ടവും നേടിയെടുത്ത ഗ്ലോറിയ എന്ന കഥാപാത്രമായിട്ടാണ് അർച്ചന തിളങ്ങി നിന്നത്. അതിനുശേഷം നിരവധി വേഷങ്ങൾ ചെയ്തുവെങ്കിലും ഗ്ലോറിയയിലൂടെയാണ് ഏറെ ശ്രദ്ധിക്കപ്പെട്ടത്.

കിരൺ ടിവിയിൽ നാഷിനൊപ്പം അവതാരക ആയെത്തിയാണ് അർച്ചന തന്റെ കരിയർ തുടങ്ങുന്നത്. മലയാളം കൊഞ്ചി കൊഞ്ചി സംസാരിക്കുന്ന അർച്ചനയെ അന്നേ പ്രേക്ഷകർക്ക് ഏറെ ഇഷ്ടമായിരുന്നു.

ഇന്ത്യയിലെ ഏറ്റവും വലിയ റിയാലിറ്റി ഷോയായ ബിഗ് ബോസിലും അർച്ചന എത്തിയിരുന്നു. പൊതുവെ വില്ലത്തി വേഷങ്ങളിൽ മാത്രം എത്തുന്ന അർച്ചനയെ അടുത്തറിയാൻ പ്രേക്ഷകർക്ക് ഷോയിലൂടെ സാധിച്ചു.

ഹിന്ദിക്കാരനായ മനോജ് യാദവുമായി 2014 ൽ ആണ് അർച്ചനയുടെ വിവാഹം നടക്കുന്നത്. എന്നാൽ അധികം വൈകാതെ ആ ബന്ധം ഇരുവരും വേർപെടുത്തി.

അമേരിക്കയിൽ വച്ചാണ് പ്രവീണുമായി അർച്ചന വിവാഹതിയാകുന്നത്. കൊവിഡ് കാലത്തായിരുന്നു ഇരുവരുടെയും വിവാഹം. പരസ്പരം മനസിലാക്കിയ ശേഷമായിരുന്നു അർച്ചന വിവാഹത്തിന് സമ്മതിച്ചത്.

തനിക്ക് ഒരു കുടുംബം വേണമെന്ന ആഗ്രഹമാണ് വീണ്ടും വിവാഹത്തിലേക്ക് എത്തിച്ചതെന്ന് ഞങ്ങളോട് ഒരിക്കൽ അർച്ചന പറഞ്ഞിരുന്നു. ഞാൻ ഒരുപാട് ഫാമിലി ഓറിയന്റഡ് പേഴ്സൺ ആണെന്നും താരം പറഞ്ഞിരുന്നു.

ഇനിയൊരു വിവാഹം വേണ്ടെന്ന തീരുമാനത്തിൽ ആയിരുന്നു ആദ്യം എങ്കിലും പിന്നീട് അത് തെറ്റായ തീരുമാനം ആണെന്ന് തോന്നി. കൊവിഡ് കാലമാണ് തന്റെ തീരുമാനം മാറ്റിയതെന്നും അർച്ചന.

തന്നെ കൂടുതൽ മനസിലാക്കാൻ പ്രവീൺ പറഞ്ഞതോടെയാണ് അർച്ചന അമേരിക്കയിലേക്ക് പോകുന്നത്. കുടുംബമായി നല്ല ബന്ധം ആയിരുന്നു പ്രവീണിന്റേത് എന്നും അർച്ചന പറഞ്ഞിരുന്നു.

കഴിഞ്ഞ ദിവസം പ്രവീണിന് ഒപ്പമുള്ള ചിത്രം അർച്ചന പങ്കിട്ടുകൊണ്ട് ഇങ്ങനെ എഴുതി. "എന്റെ പുഞ്ചിരി നീയാണ്. നീയാണ് എന്റെ പൊട്ടിച്ചിരിയുടെ കാരണം. ജീവിതത്തിൽ കരച്ചിൽ കുറയാനും നീയാണ് എന്നെ സഹായിച്ചത്", അർച്ചന കുറിച്ചു.