വ്യത്യസ്ത അഭിനയശൈലിയിലൂടെ മലയാളത്തിൽ തന്റേതായ ഇടം കണ്ടെത്തിയ നടിയാണ് നിമിഷ സജയൻ. തന്റേതായ നിലപാടുകള് തുറന്നുപറഞ്ഞുകൊണ്ടും ശ്രദ്ധ നേടിയ താരമാണവര്. ആദ്യ ചിത്രം മുതൽ ഏറ്റവും ഒടുവിൽ പുറത്തിറങ്ങിയ നായാട്ട് എന്ന സിനിമ വരെ ഏറെ ശ്രദ്ധേയമായ കഥാപാത്രങ്ങളാണ് നിമിഷയ്ക്ക് ലഭിച്ചിട്ടുള്ളത്. ഇപ്പോഴിതാ ആസിഫ് അലിയും ജിസ് ജോയ്യും ഒരുമിക്കുന്ന പുതിയ ചിത്രത്തിൽ നായികയാവുകയാണ് നിമിഷ.
ചിത്രങ്ങൾ - അജിലാൽ
തൊണ്ടിമുതലും ദൃക്സാക്ഷിയും എന്ന തന്റെ ആദ്യ സിനിമയിലൂടെ തന്നെ നിരവധി പുരസ്കാരങ്ങൾ ലഭിച്ചിട്ടുണ്ട് നിമിഷയ്ക്ക്.
പിന്നാലെ ഈട, മാംഗല്യം തന്തുനാനേന, ഒരു കുപ്രസിദ്ധ പയ്യൻ, ചോല, സ്റ്റാൻഡ് അപ്പ്, ദി ഗ്രേറ്റ് ഇന്ത്യൻ കിച്ചൻ, വൺ, നായാട്ട് തുടങ്ങിയ സിനിമകളിൽ ഒന്നിനൊന്ന് മികച്ച വേഷങ്ങൾ ലഭിച്ചു.
തുറമുഖം, മാലിക്, ഫുട്പ്രിൻഡ്സ് ഓൺ വാട്ടർ തുടങ്ങിയവയാണ് നിമിഷ അഭിനയിച്ച് പുറത്തിറങ്ങാനിരിക്കുന്ന പുതിയ സിനിമകൾ.
അതിന് പിന്നാലെയാണിപ്പോൾ ആസിഫ് അലിയെയും പെപ്പേയും നായകന്മാരാക്കി ജിസ് ജോയ് ഒരുക്കുന്ന പുതിയ സിനിമയിൽ നിമിഷ നായികയാവുന്നത്.
സിനിമയുടെ പൂജ ചടങ്ങിന് ബ്ലാക്ക് ടിയും റിപ്പ്ഡ് ജീൻസും അണിഞ്ഞാണ് നിമിഷയെത്തിയത്.
മോഹൻകുമാർ ഫാൻസിന് ശേഷം ജിസ് ജോയ് തന്നെ തിരക്കഥയെഴുതി സംവിധാനംചെയ്യുന്ന പുതിയ സിനിമയുടെ ചിത്രീകരണം എറണാകുളത്ത് ആരംഭിച്ചിരിക്കുകയാണ്. സിനിമയുടെ പൂജയും സ്വിച്ച് ഓൺ കര്മ്മവും കഴിഞ്ഞ ദിവസം നടന്നു.
നിമിഷ നായികയാകുന്ന ഫുട്പ്രിൻഡ്സ് ഓൺ വാട്ടർ എന്ന് പേരിട്ടിരിക്കുന്ന പുതിയ ചിത്രം ഏറെ പ്രത്യേകതകളുള്ളതാണ്. ബോളിവുഡ് താരം ആദിൽ ഹുസൈനും അഭിനയിക്കുന്നുണ്ട്. ഇന്ത്യൻ- ഇംഗ്ലീഷ് ചിത്രമായി ഒരുങ്ങുന്നതാണ് സിനിമ.
അടുത്തിടെ ഘർസെ എന്ന ഒരു ഹിന്ദി ഹ്രസ്വ ചിത്രത്തിലും നിമിഷ അഭിനയിച്ചിരുന്നു.