സിനിമാ ഇന്റസ്ട്രി എന്നാല് അതില് ഒഴിച്ചുകൂടാന് പറ്റാത്ത ഒന്നാണ് ഗോസിപ്. ഗോസിപ് ഉണ്ട് എന്നാല് ആ താരത്തിന് വളര്ച്ചയുണ്ട് എന്നാണ് അര്ത്ഥം. എന്നാല് ചില ഗോസിപ്പുകള് പരിധി കടക്കും. അങ്ങിനെ ഒരു ഗോസിപ്പ് കാരണം കരിയര് നശിച്ച ചിലരും ഇവിടെയുണ്ട്. നടി സുകന്യയുടെ കരിയര് നഷ്ടപ്പെടാന് കാരണം ഗോസിപ് ആണ് എന്ന് നടനും മാധ്യമപ്രവര്ത്തകനും ആണ് ബൈല്വാന് രംഗനാഥന് പറയുന്നു.
ഡാന്സര് ആയ സുകന്യ കരിയര് ആരംഭിച്ചത് തമിഴ് സിനിമയിലൂടെയാണ്. ആദ്യ ചിത്രത്തില് തന്നെ അമ്പരപ്പിയ്ക്കുന്ന പ്രകടനമായിരുന്നു. നര്ത്തകിയായത് കൊണ്ടാണ് സുകന്യയ്ക്ക് പരിചയ സമ്പത്തുള്ള നടിമാരെ പോലെ അനായാസം ആ വേഷം ചെയ്യാന് പറ്റിയത് എന്നാണ് ബൈല്വാന് പറയുന്നത്. തുടര്ന്ന് മലയാളം, തെലുങ്ക് സിനിമകളിലും അഭിനയിച്ച നടി അവിടെയെല്ലാം തന്റെ സ്ഥാനം ഉറപ്പിച്ചു. ഇന്റസ്ട്രിയിലെ അന്നത്തെ സൂപ്പര് താരങ്ങള്ക്കൊപ്പം എല്ലാം ജോഡി ചേര്ന്നു.
അമേരിക്കയില് സെറ്റില്ഡ് ആയ ആര് ശ്രീധറുമായുള്ള വിവാഹത്തിന് ശേഷം ആണ് സുകന്യ പെട്ടന്ന് അഭിനയം നിര്ത്തിയത്. അമേരിക്കയില് വച്ചായിരുന്നു വിവാഹം. അന്ന് തമിഴ്, തെലുങ്ക് മലയാളം സിനിമകളില് നിറ സാന്നിധ്യമായി വിന്നില്ക്കൊടി പാറിച്ചുകൊണ്ടിരിയ്ക്കുകയായിരുന്നു സുകന്യ. പെട്ടന്ന് വിവാഹം ചെയ്ത് ഇന്റസ്ട്രി വിട്ടു. ഭര്ത്താവിനൊപ്പം അമേരിക്കയില് സെറ്റില്ഡ് ആയി.
എന്നാല് പ്രതീക്ഷിച്ച ജീവിതം ആയിരുന്നില്ലത്രെ സുകന്യയ്ക്ക് അമേരിക്കയില് കിട്ടിയത്. സിനിമയില് സജീവമായിരുന്ന കാലത്ത് എന്തിനും ഏതിനും സുകന്യയ്ക്ക് ചുറ്റും ആളുകളും സഹായികളും ഉണ്ടായിരുന്നു. ഒന്നും അറിയേണ്ടിയിരുന്നില്ല. എന്നാല് അമേരിക്കയില് ഒരാളുടെ ഭാര്യയി മാറിയപ്പോള് എല്ലാം സ്വയം ചെയ്യേണ്ടി വന്നു. അത് മാത്രമല്ല, ഭര്ത്താവില് നിന്നും സുകന്യയ്ക്ക് മോശമായ അനുഭവങ്ങള് ഉണ്ടായി. അദ്ദേഹത്തിന്റെ ഇഷ്ടത്തോടെ ആയിരുന്നില്ല വിവാഹം നടന്നത് എന്നാണ് പറയപ്പെടുന്നത്
തുടര്ന്ന് സുകന്യ ഇന്ത്യയിലേക്ക് തിരിച്ചുവന്നു. പോയതിലും വേഗത്തിലായിരുന്നു സുകന്യയുടെ മടങ്ങിവരവ്. എന്നാല് വിവാഹ മോചനം പെ്ട്ടന്ന് കിട്ടിയില്ല. അമേരിക്കയില് വച്ച് നടന്ന വിവാഹം ആയത് കൊണ്ട് അതിന് ഒരുപാട് നിയമ തടസ്സങ്ങള് ഉണ്ടായിരുന്നു. എന്ത് തന്നെയായാലും സിനിമയില് ഒരു രണ്ടാം ഇന്നിങ്സിന് ഇറങ്ങാന് തന്നെ സുകന്യ തീരുമാനിച്ചു.
എന്നാല് വിവാഹ മോചനത്തിന് ശേഷം നടിമാര് രണ്ടാം വരവ് നടത്തുമ്പോള് നായികാ പ്രാധാന്യമുള്ള റോളുകള് ലഭിയ്ക്കില്ല, മാര്ക്കറ്റ് ഇടിയും. സുകന്യയും ആ അവസ്ഥയില് ആയിരുന്നു. എന്നിരുന്നാലും അവര്ക്ക് ധാരാളം അവസരങ്ങള് ലഭിച്ചു. കമല് ഹസന് സത്യരാജ് എന്നിവര്ക്കൊപ്പം എല്ലാം അഭിനയിക്കാന് പറ്റി.
വീണ്ടും കരിയറില് തന്റെ സ്ഥാനം കണ്ടെത്തി വരുമ്പോഴേക്കും സുകന്യയെ കുറിച്ച് ഗോസിപ്പുകള് വരാന് തുടങ്ങി. ജയലളിതയുടെ മന്ത്രിസഭയിലെ ഒരു മന്ത്രിയുമായി സുകന്യയ്ക്ക് പ്രണയ ബന്ധം ഉണ്ടെന്നതായിരുന്നു ഗോസിപ്പ്. എന്നാല് അതില് സത്യമുണ്ടോ എന്ന കാര്യം പോലും വ്യക്തമല്ല. അതൊരു ഗോസിപ്പ് ആയി ശക്തമായി പ്രചരിച്ചപ്പോള് സുകന്യയ്ക്ക് കരിയര് അവസാനിപ്പിക്കേണ്ടി വന്നു എന്നാണ് ബൈല്വാന് രംഗനാഥന് പറയുന്നത്.
മന്ത്രിയുമായി ബന്ധമുണ്ടോ ഇല്ലയോ എന്ന സത്യം അന്വേഷിക്കാന് ഒന്നും ആരും നിന്നില്ല, ഗോസിപ്പ് അടിസ്ഥാനം ഇല്ലാതെ പ്രചരിക്കുകയായിരുന്നു. സുകനയ്ക്ക് ഇനി അഭിനയിക്കേണ്ടതില്ല, അതിലും വലിയ ബന്ധം കിട്ടി എന്ന തരത്തില് വാര്ത്തകള് വന്നതോടെ അവസരങ്ങള് നഷ്ടപ്പെട്ടു. ഇപ്പോള് അഭിനയത്തില് നിന്ന് എല്ലാം വിട്ടുനില്ക്കുന്ന സുകന്യ ബസനഗറില് ഒരു സാധാരണ സ്ത്രീയായി ജീവിച്ചുവരികയാണ്.