കഴിഞ്ഞയാഴ്ചയായിരുന്നു പ്രേക്ഷകരുടെ പ്രിയങ്കരിയായ പേളി മാണിയുടെ സഹോദരി റേച്ചലിൻ്റെ വിവാഹം നടന്നത്. ചേച്ചി അവതാരകയായും അഭിനേത്രിയായും തിളങ്ങിയപ്പോള് ഫാഷന് ലോകത്തായിരുന്നു റേച്ചല് തൻ്റെ മികവും കഴിവും വെളിവാക്കിയത്. ഫാഷന് ഡിസൈനിംഗ് പൂര്ത്തിയാക്കിയ റേച്ചല് വ്യത്യസ്തമായ ഡിസൈന് പരീക്ഷണങ്ങള് നടത്തുകയും അതിൻ്റെ ചിത്രങ്ങൾ ആരാധകരുമായി പങ്കുവെക്കാറുമൊക്കെയുണ്ട്.
ഫോട്ടോഗ്രാഫറായ റൂബെന് ബിജി തോമസാണ് റേച്ചലിനെ വിവാഹം ചെയ്തത്.
ഇപ്പോഴിതാ പ്രിയപ്പെട്ട അനിയത്തിയുടെ വിവാഹദിനത്തെ പറ്റി പേളി വാചാലയായിരിക്കുകയാണ് ഇപ്പോൾ
റേച്ചലിൻ്റെ വിവാഹചിത്രങ്ങൾ പങ്കുവെച്ചുകൊണ്ടാണ് പേളിയുടെ വാക്കുകൾ
ഞാൻ കണ്ടതിൽ വെച്ചേറ്റവും സുന്ദരിയായ മണവാട്ടിയാണ് അവളെന്ന് പേളി.
നിങ്ങൾക്കൊരു സഹോദരിയുണ്ടെങ്കിൽ ഞാൻ എന്താണ് സംസാരിക്കുന്നതെന്ന് മനസിലാകും
ഈ ദിവസം എന്നെന്നേക്കുമായി സ്പെഷ്യലാണ്.
അന്ന് അതിമനോഹരമായി അവളെ കണ്ടപ്പോൾ എൻ്റെ കണ്ണുകൾ സന്തോഷം കൊണ്ട് നിറഞ്ഞുതുളുമ്പി.
അന്നത്തെ ദിവസം അവൾ എങ്ങനെയാകും കാണാൻ എന്നുള്ളതിനെ കുറിച്ച് ഒരുപാട് സ്വപ്നങ്ങൾ എനിക്കുണ്ടായിരുന്നു.
അവളെ നേരിട്ട് കണ്ടപ്പോ എൻ്റെ കണ്ണുകൾ സന്തോഷാശ്രുക്കൾ കൊണ്ട് തുളുമ്പി.
അവളുടെ ലോകമാകാൻ പോകുന്ന അവനെ കാണാൻ അവളൊരുങ്ങിക്കഴിഞ്ഞുവെന്നും പേളി കുറിച്ചു.
2 വര്ഷമായി ഞങ്ങള് ഈ സുദിനത്തിനായി കാത്തിരിക്കുകയായിരുന്നുവെന്ന് റേച്ചൽ നേരത്തേ കുറിച്ചിരുന്നു.
വിവാഹ ചിത്രങ്ങള് പങ്കുവെച്ച് റേച്ചല് മാണി കുറിച്ച വാക്കുകൾ ഏറെ ശ്രദ്ധ ആകർഷിച്ചിരുന്നു