മലയാളികളുടെ പ്രിയനടിമാരിലൊരാളാണ് സാനിയ ഇയ്യപ്പൻ. തന്റേതായ ഫാഷൻ സ്റ്റേറ്റ്മെന്റുകൾ കൃത്യമായി അവതരിപ്പിക്കാറുമുണ്ട് സാനിയ. ഡ്രസുകളിൽ തന്റേതായ പരീക്ഷണങ്ങൾ കൊണ്ടുവരാനും സാനിയ ശ്രമിക്കാറുണ്ട്.
താരം പങ്കുവയ്ക്കുന്ന ഫോട്ടോഷൂട്ട് ചിത്രങ്ങൾക്കും ആരാധകരേറെയാണ്. നിമിഷ നേരം കൊണ്ടാണിവ ഫാഷൻ പ്രേമികൾക്കിടയിലും തരംഗമാകുന്നത്. ഇപ്പോൾ താരം പങ്കുവച്ചിരിക്കുന്ന പുതിയ ചിത്രങ്ങളാണ് പ്രേക്ഷകരുടെ മനം കവരുന്നത്.
നീല ലെഹങ്കയിലാണ് ഇത്തവണ താരമെത്തിയിരിക്കുന്നത്. ഡ്രസിന് ഇണങ്ങുന്ന തരത്തിലുള്ള വളകളും മോതിരവും കഴുത്തിൽ ചോക്കറും താരം അണിഞ്ഞിരുന്നു. മിനിമൽ മേക്കപ്പ് ആയിരുന്നു സാനിയ ലുക്കിനായി തെരഞ്ഞെടുത്തത്. നിരവധി പേരാണ് താരത്തിന്റെ പുതിയ ചിത്രത്തിന് കമന്റുകളുമായെത്തിയിരിക്കുന്നത്.
ഡിഫോർ ഡാൻസ് എന്ന റിയാലിറ്റി ഷോയിലൂടെയാണ് സാനിയ അഭിനയരംഗത്തെത്തിയത്. ക്വീൻ എന്ന ചിത്രത്തിലൂടെ ആണ് സാനിയ ശ്രദ്ധിക്കപ്പെട്ട് തുടങ്ങിയത്. സിനിമയിലും ജീവിതത്തിലും വളരെ ബോൾഡ് അപ്പിയറൻസ് ആണ് സാനിയയ്ക്കുള്ളത്. സാനിയയുടെ സ്റ്റൈലിഷ് ഫോട്ടോഷൂട്ടുകൾ പലപ്പോഴും സോഷ്യൽ മീഡിയയിൽ ശ്രദ്ധ നേടാറുണ്ട്. സോഷ്യൽ മീഡിയയിൽ ഗ്ലാമറസായുള്ള ചിത്രങ്ങൾ പങ്കുവയ്ക്കാനും സാനിയ മടിക്കാറില്ല.
തന്റെ വസ്ത്രധാരണത്തെ വിമർശിച്ച് എത്തുന്നവർക്ക് കുറിക്ക് കൊള്ളുന്ന മറുപടിയാണ് സാനിയ പലപ്പോഴും നൽകാറുള്ളത്. ഏത് വസ്ത്രം ധരിക്കണമെന്നത് തന്റെ ഇഷ്ടമാണെന്നും അതിൽ മറ്റാരും ഇടപെടേണ്ടെന്നും ഉറക്കെ പ്രഖ്യാപിക്കാറുമുണ്ട് സാനിയ. ഫാഷൻ ഷൂട്ടുകൾക്ക് പുറമേ തന്റെ ഡാൻസ് വീഡിയോയും പങ്കുവയ്ക്കാറുണ്ട് സാനിയ.