ഇത്രയും പ്രതീക്ഷിച്ചില്ല, എന്തിനാണ് ഇങ്ങനെയൊക്കെ ചെയ്യുന്നത്; അനുപമയുടെ പുതിയ സിനിമയുടെ പോസ്റ്ററിന് എതിരെ സോഷ്യല്‍ മീഡിയ
മലയാളം വിട്ട് തെലുങ്ക് സിനിമാ ലോകത്ത് കൂടുതല്‍ സജീവമാവുകയാണ് ഇപ്പോള്‍ നടി അനുപമ പരമേശ്വരന്‍. നടിയുടെ പുതിയ തെലുങ്ക് ചിത്രത്തിന്റെ പോസ്റ്റര്‍ ഇപ്പോള്‍ സോഷ്യല്‍ മീഡിയയില്‍ വൈറലാവുകയാണ്
- 1/7
പ്രേമം നായിക
പ്രേമം എന്ന മലയാള സിനിമയിലൂടെ മലയാളി പ്രേക്ഷകരുടെ പ്രിയങ്കരിയായി മാറിയ നടിയാണ് അനുപമ പരമേശ്വരന്‍. അതേ ചിത്രത്തിന്റെ തെലുങ്ക് വേര്‍ഷനുമായി തെലുങ്ക് സിനിമാ ലോകത്തേക്ക് പോയ നടിയെ ഇതുവരെ കേരളക്കരയ്ക്ക് പൂര്‍ണമായും തിരിച്ചുകിട്ടിയിട്ടില്ല. അതിനിടയില്‍ ഇതാ പുതിയ പോസ്റ്റര്‍.
- 2/7
പുതിയ പോസ്റ്റര്‍
അനുപമ പരമേശ്വരന്‍ നായികയാകുന്ന പുതിയ ചിത്രമായ ടില്ലു സ്വകയറിന്റെ പോസ്റ്റര്‍ ആണ് ഇപ്പോള്‍ സോഷ്യല്‍ മീഡിയിയല്‍ വലിയ ചര്‍ച്ചയാവുന്നത്. സിനിമയുടെ റിലീസ് വിവരം പുറത്തുവിട്ടുകൊണ്ടുള്ള പോസ്റ്ററിന് എതിരെ നടിയുടെ ആരാധകര്‍ കൂട്ടത്തോടെ സോഷ്യല്‍ മീഡിയയില്‍ എത്തിയിരിയ്ക്കുകയാണ്,
- 3/7
ഇത് പ്രതീക്ഷിച്ചില്ല എന്ന്
അനുപമ അതീവ ഗ്ലാമറസ്സായ വേഷം ധരിച്ച് നില്‍ക്കുന്ന ഒരു റൊമാന്റിക് രംഗമാണ് പോസ്റ്ററില്‍ ഉള്ളത്. ഇത് ഞങ്ങള്‍ ഒട്ടും പ്രതീക്ഷിച്ചതല്ല, അനുപമയില്‍ നിന്ന് ഇത്തരം ഒരു റോള്‍ വേണ്ടിയിരുന്നില്ല, എന്തിനാണ് ഇങ്ങനെയുള്ള റോളുകള്‍ ചെയ്യുന്നത്, ഇത്തരം രംഗങ്ങള്‍ ഒഴിവാക്കി കൂടെ എന്നൊക്കെ ചോദിച്ചുകൊണ്ടാണ് കമന്റുകള്‍ വരുന്നത്.
- 4/7
അണ്‍ ഫോളോ ചെയ്യുന്നു എന്ന്
തെലുങ്കില്‍ നിന്നും തമിഴില്‍ നിന്നും മലയാളത്തില്‍ നിന്നും ഉള്ള ആരാധകര്‍ മാരെല്ലാം ഒരേ സ്വരത്തില്‍ പറയുന്നു, അനുപമ ഇത്തരം റോളുകള്‍ ചെയ്യേണ്ടിയിരുന്നില്ല എന്ന്. വിഷമിയ്ക്കുന്ന ചില ആരാധകര്‍ അണ്‍ ഫോളോ ചെയ്യുകയാണ് എന്നും ഇനി ഈ വഴി വരില്ല എന്നും പറഞ്ഞ് കമന്റുകള്‍ ഇട്ട് പോയിട്ടുണ്ട്.
- കൂടുതല്‍ ചിത്രങ്ങള്‍Download App
- 5/7
ഡിജെ ടില്ലു
അതേ സമയം തെലുങ്കില്‍ മികച്ച വിജയം നേടിയ ഡി ജെ ടില്ലു എന്ന ചിത്രത്തിന്റെ രണ്ടാം ഭാഗമായ ട്വില്ലു സ്വകയറില്‍ അനുപമയ്ക്ക് വലിയ പ്രതീക്ഷയാണ് ഉള്ളത്. സിനിമ സെപ്റ്റംബര്‍ 15 ന് റിലീസ് ചെയ്യും എന്നാണ് ഇപ്പോള്‍ പുറത്തുവിട്ടിരിയ്ക്കുന്നത്. സിദ്ധു ജൊന്നലഗദ്ദ എന്ന നടന്‍ ഹിറ്റായത് തന്നെ ഡിജെ ടില്ലു എന്ന സിനിമയിലൂടെയാണ്.
-
- 6/7
മലയാളത്തിലേക്ക് സജീവമായില്ല
പ്രേമത്തിന് ശേഷം ഒരു മുഴുനീള മലയാളം സിനിമ അനുപമ പരമേശ്വരന്‍ മലയാളത്തില്‍ ചെയ്തിട്ടില്ല. ജെയിംസ് ആന്റ് ആലീസ്, ജോ മോന്റെ സുവിശേഷം, മണിയറയിലെ അശോകന്‍, കുറുപ്പ് എന്നീ സിനിമകളിലെല്ലാം ചെറിയ ചെറിയ റോളുകളില്‍ വന്ന് പോവുകയായിരുന്നു. മലയാളത്തില്‍ ഒരു മികച്ച തിരക്കഥയ്ക്ക് വേണ്ടി കാത്തിരിയ്ക്കുകയാണെന്നാണ് നടി പറഞ്ഞത്.
- 7/7
അന്യഭാഷയില്‍ തിരക്കിലാണ്
അതേ സമയം തെലുങ്കില്‍ ഒന്നിനു പിറകെ ഒന്നായി സിനിമകളുമായി തിരക്കിലാണ് നടി. ബട്ടര്‍ഫ്‌ളൈ, 18 പേജസ് പോലുള്ള സിനിമകള്‍ എല്ലാം അനുവിന് തെലുങ്ക് സിനിമാ ലോകത്ത് നല്ല മൈലേജ് നേടിക്കൊടുത്തതാണ്. തമിഴിലും ധനുഷ് പോലുള്ള മുന്‍നിര നായകന്മാര്‍ക്കൊപ്പം ജോഡി ചേര്‍ന്ന് അഭിനയിച്ചിട്ടുണ്ട്.