കഴിഞ്ഞദിവസമാണ് മലയാളികളുടെ പ്രിയ നടി ദുർഗ്ഗ കൃഷ്ണ വിവാഹിതയായത്. സിനിമ നിർമ്മാതാവായ അർജ്ജുൻ രവീന്ദ്രനാണ് ദുർഗ്ഗയുടെ കഴുത്തിൽ മിന്നു ചാർത്തിയത്. ഏറെ നാളത്തെ പ്രണയത്തിനൊടുവിലായിരുന്നു വിവാഹം. ഗുരുവായൂർ ക്ഷേത്രത്തിൽ വെച്ച് അടുത്ത ബന്ധുക്കളുടെ സാന്നിധ്യത്തിലായിരുന്നു വിവാഹച്ചടങ്ങ്. വിവാഹച്ചടങ്ങിൽ ദുർഗ്ഗയുടെ ലുക്കിനെ കുറിച്ച് ഏറെ ചർച്ചകളും നടന്നിരുന്നു. കാഞ്ചീപുരം സാരിയും ടെംപിള് സ്റ്റൈല് ആഭരണങ്ങളും ആണ് ദുർഗ്ഗ വിവാഹദിനത്തിൽ അണിഞ്ഞത്. ചിത്രങ്ങൾ കാണാം.
കാഞ്ചീപുരം സാരിയും ഹെവി ടെംപിള് സ്റ്റൈല് ആഭരണങ്ങളുമാണ് താലികെട്ട് ദിവസം ദുർഗ്ഗ അണിഞ്ഞത്. പാരീസ് ബ്യൂട്ടിക്ക് ആണ് ദുര്ഗയ്ക്ക് വേണ്ടി വസ്ത്രം തയ്യാറാക്കിയത്.
നാല് ചടങ്ങുകളിലൂടെയാണ് ദുര്ഗ്ഗയുടെ വിവാഹം പ്ലാൻ ചെയ്തത്. ഹല്ദി, ഗുരുവായൂരമ്പലത്തിലെ താലിക്കെട്ട്, എന്നിവയ്ക്ക് ശേഷം കൊച്ചിയിൽ ഏപ്രില് എട്ടിനും കോഴിക്കോട് ഏപ്രില് പതിമൂന്നിനും രണ്ട് റിസപ്ഷനുകളും ആണ് ദുർഗ്ഗയും അർജ്ജുനും പ്ലാൻ ചെയ്തിരിക്കുന്നത്. റിസപ്ഷൻ വിശേഷങ്ങൾക്കായുള്ള കാത്തിരിപ്പിൽ ആണ് സോഷ്യൽ മീഡിയ.
ദുർഗ്ഗയുടെ വെറൈറ്റി ലുക്കിന് പിന്നിൽ സെലിബ്രിറ്റി മേക്കപ്പ് ആർട്ടിസ്റ്റ് വികാസ് ആണ്. ദുർഗ്ഗയുടെ വെറൈറ്റി ലുക്കിലുള്ള ചിത്രങ്ങൾ അദ്ദേഹം പങ്ക് വച്ചത് ഏറെ വൈറൽ ആയിരുന്നു. ദുർഗ്ഗയുടെ ഹെവി ടെംപിൾ സെറ്റ് ആഭരണങ്ങൾ ലക്ഷ്മി ജ്യൂവലറിയിൽ നിന്നാണ്. ചിത്രങ്ങൾ പകർത്തിയത് കോക്കോനട്ട് വെഡിങ്സ് ആണ്.
വിമാനം എന്ന പൃഥ്വിരാജ് ചിത്രത്തിലൂടെയാണ് ദുർഗ്ഗ മലയാളത്തില് ശ്രദ്ധേയയായത്. വിമാനത്തിന് പുറമെ ജയസൂര്യയുടെ പ്രേതം 2, കുട്ടിമാമ, ലവ് ആക്ഷന് ഡ്രാമ തുടങ്ങിയ സിനിമകളിലും ദുര്ഗ അഭിനയിച്ചിരുന്നു.