മാത്തുക്കുട്ടി ഇനി എലിസബത്തിന് സ്വന്തം! ഇത് രണ്ടാം വിവാഹമാണോ? സോഷ്യല്‍മീഡിയയില്‍ ചര്‍ച്ചകള്‍

അവതാരകനും സംവിധായകനുമായ മാത്തുക്കുട്ടി പ്രേക്ഷകര്‍ക്ക് പ്രിയങ്കരനാണ്. ആര്‍ജെയില്‍ നിന്നും വിജെയിലേക്ക് മാറിയപ്പോള്‍ മികച്ച സ്വീകാര്യതയായിരുന്നു മാത്തുക്കുട്ടിക്ക് ലഭിച്ചത്. അവതരണം മാത്രമല്ല അഭിനയവും സംവിധാനവുമെല്ലാം തനിക്ക് വഴങ്ങുമെന്നും മാത്തുക്കുട്ടി തെളിയിച്ചിരുന്നു. മാത്തുക്കുട്ടിയുടെ വിവാഹത്തെക്കുറിച്ചുള്ള ചര്‍ച്ചകള്‍ സോഷ്യല്‍മീഡിയയില്‍ സജീവമാണ്.

യെസ്, ഞങ്ങള്‍ ചെയ്തു എന്ന ക്യാപ്ഷനോടെയാണ് മാത്തുക്കുട്ടി പുതിയ സന്തോഷം പങ്കിട്ടത്. ഡോക്ടര്‍ എലിസബത്ത് ഷാജിയാണ് ജീവിതസഖിയായി വന്നിട്ടുള്ളതെന്നും മാത്തുക്കുട്ടി കുറിച്ചിരുന്നു. ചിരിച്ച മുഖത്തോടെ ചിത്രങ്ങള്‍ക്ക് പോസ് ചെയ്യുകയായിരുന്നു ഇരുവരും.

മാത്തുക്കുട്ടിയുടെ അടുത്ത സുഹൃത്തുക്കളിലൊരാളാണ് അശ്വതി ശ്രീകാന്ത്. മാത്തുവിനും എലിസബത്തിനും ആശംസ അറിയിച്ച് അശ്വതിയും എത്തിയിരുന്നു. എന്നും സന്തോഷത്തോടെ ഇരുവരും ഒന്നിച്ച് ജീവിക്കട്ടെയെന്നായിരുന്നു കുറിപ്പ്.

തുടക്കം മുതലുള്ള എല്ലാ വിശേഷങ്ങളും പങ്കിട്ട് രാജ് കലേഷും സജീവമായിരുന്നു, മാത്തൂന്റെ കാര്യത്തില്‍ ഒരു തീരുമാനമായെന്ന ക്യാപ്ഷനോടെയാണ് രാജ് കലേഷ് വീഡിയോ പങ്കുവെച്ചത്. മാത്തുക്കുട്ടി ഒടുവില്‍ ആ തീരുമാനമെടുത്തിരിക്കുകയാണ്, കല്യാണമാണ്. അലമ്പനായ മാത്തുക്കുട്ടിയെ കല്യാണം കഴിക്കാന്‍ സമ്മതമാണോയെന്ന് ചോദിച്ചപ്പോള്‍ അതെയെന്നായിരുന്നു എലിസബത്തിന്റെ മറുപടി.

ഹല്‍ദിക്കുട്ടി എന്ന ക്യാപ്ഷനോടെയും രാജ് കലേഷ് വീഡിയോ പങ്കിട്ടിരുന്നു. സുഹൃത്ത് ലോക്കാവുന്നതിന്റെ സന്തോഷം ആ മുഖത്ത് കാണാനുണ്ടെന്നായിരുന്നു കമന്റുകള്‍. ഇവനെ ഇങ്ങനെ കാണേണ്ടി വരുമെന്ന് കരുതിയിരുന്നില്ലെന്നാണ് ഞങ്ങളുടെ സുഹൃത്തുക്കളെല്ലാം പറഞ്ഞതെന്നും രാജ് കലേഷ് പറഞ്ഞിരുന്നു.

മാത്തുക്കുട്ടി വിവാഹിതനാവാന്‍ പോവുകയാണെന്നുള്ള വിശേഷം പുറത്തുവന്നപ്പോള്‍ ഇത് രണ്ടാം വിവാഹമാണോ എന്ന ചോദ്യങ്ങളും ഉയര്‍ന്നിരുന്നു. ഇത് രണ്ടാം വിവാഹമല്ലേ, മുന്‍പ് വിവാഹിതനായിരുന്നില്ലേ എന്നായിരുന്നു ചിലരുടെ സംശയം.

വ്യക്തി ജീവിതത്തിലെ കാര്യങ്ങളെക്കുറിച്ച് അങ്ങനെ തുറന്ന് പറയാറില്ല മാത്തുക്കുട്ടി. കരിയറിനെക്കുറിച്ചും മനസിലെ സിനിമാമോഹത്തെക്കുറിച്ചും, ചെയ്ത ജോലികളെക്കുറിച്ചുമൊക്കെ തുറന്ന് പറഞ്ഞിരുന്നു. വ്യത്യസ്തമായ അവതരണ രീതിയാണ് മാത്തുക്കുട്ടിയെ വ്യത്യസ്തനാക്കുന്നതെന്നാണ് ആരാധകരുടെ അഭിപ്രായം.

ഇടയ്ക്ക് ചില സിനിമകളില്‍ അഭിനയിച്ചപ്പോഴും സംവിധാനമെന്ന ലക്ഷ്യം മാത്തുക്കുട്ടിയുടെ മനസിലുണ്ടായിരുന്നു. കുഞ്ഞെല്‍ദോയിലൂടെയായാണ് ആ മോഹം സാക്ഷാത്ക്കരിച്ചത്.