ഇന്ത്യയിലെ 5 മികച്ച ക്രോസ്ഓവർ ഹാച്ച്ബാക്കുകൾ

ഇന്ത്യയിൽ ക്രോസ്ഓവർ ഹാച്ച്ബാക്കുകൾക്ക് ഇന്ന് ആവശ്യക്കാർ ഏറെയാണ്. അതുകൊണ്ട് തന്നെ നിലവിൽ ക്രോസ്ഓവർ സെഗ്മെന്‍റിൽ അവതരിക്കുന്ന വാഹനങ്ങളുടെ എണ്ണവും ദിനംപ്രതി വർധിക്കുകയാണ്. ഇന്ത്യയിൽ ലഭ്യമായിട്ടുള്ള മികച്ച ക്രോസ്ഓവർ ഹാച്ച്ബാക്കുകൾ ഏതൊക്കെയെന്ന് നോക്കാം.

ടോൾ ബോയ് ഡിസൈൻ, ബോക്സി പ്രൊഫൈൽ, ബോഡി ക്ലാഡിങ്, 15 ഇഞ്ച് അലോയ് വീലുകൾ, ഡ്യുവൽ ടോൺ റൂഫ് എന്നിവയാണ് ഇഗ്നിസിന്‍റെ മുഖ്യ ആകർഷണങ്ങൾ. യു ആകൃതിയിലുള്ള എൽഇഡി ഡെ ടൈം റണ്ണിങ് ലാമ്പുകൾ, എൽഇഡി പ്രോജക്ടർ ഹെഡ് ലാമ്പ് എന്നിവയാണ് മറ്റു പ്രധാന സവിശേഷതകൾ.

83ബിഎച്ച്പിയും 113എൻഎം ടോർക്കും നൽകുന്ന 1.2 ലിറ്റർ പെട്രോൾ എൻജിനാണ് ഇഗ്നിസിന് കരുത്തേകുന്നത്. ഡ്യുവൽ എയർബാഗുകൾ, എബിഎസ്, ഇബിഡി, സീറ്റ് ബെൽറ്റ് പ്രീ ടെൻഷനറുകൾ എന്നിവ സുരക്ഷ സജ്ജീകരണങ്ങളാണ്. ഡൽഹി എക്സ്ഷോറൂം 4.66 ലക്ഷം മുതൽ 7.05 ലക്ഷം വരെയാണ് വില.

ഇന്ത്യയിൽ ഏറെയധികം ആരാധകരുള്ള ഒരു വാഹനമാണിത്. ക്രോസ്ഓവർ നിരയിൽ ഏറ്റവും കൂടുതൽ വിൽപ്പന കാഴ്ചവയ്ക്കുന്ന വാഹനവും ഇതുതന്നെയാണ്. 7.79 ലക്ഷം മുതൽ 10.26 ലക്ഷം രൂപ വരെയാണ് വില. 1.2 ലിറ്റർ പെട്രോൾ, 1.5 ലിറ്റർ ഡീസൽ എന്നിവയാണ് ഈ വാഹനത്തിന് കരുത്തേകുന്നത്. 89ബിഎച്ച്പിയും 110 എൻഎം ടോർക്കും പെട്രോൾ എൻജിൻ ഉല്പാദിപ്പിക്കും. 99ബിഎച്ച്പിയും 200 എൻഎം ടോർക്കുമാണ് ഡീസൽ എൻജിൻ ഉല്പാദിപ്പിക്കുന്നത്.

7 ഇഞ്ച് ടച്ച് സ്ക്രീൻ സിസ്റ്റം, ക്രൂസ് കൺട്രോൾ, സ്റ്റാർട്ട് സ്റ്റോപ്പ് ബട്ടൺ എന്നിവയാണ് പ്രധാന സവിശേഷതകൾ.

ഫോർഡ് ഇന്ത്യൻ നിരത്തിലെത്തിച്ച ആദ്യ ക്രോസ്ഓവർ വാഹനമാണിത്. മികവുറ്റ പെർഫോമൻസ് ആണ് ഈ വാഹനം കാഴ്ചവയ്ക്കുന്നത്. 1.2 ലിറ്റർ പെട്രോൾ, 1.5 ലിറ്റർ ഡീസൽ എൻജിനുകളാണ് ഈ വാഹനത്തിന് കരുത്തേകുന്നത്. ഇരു എൻജിനുകളിലും 5 സ്പീഡ് മാനുവൽ ട്രാൻസ്മിഷനാണ് ഒരുക്കിയിരിക്കുന്നത്. ഡൽഹി എക്സ്ഷോറൂം 5.23 ലക്ഷം മുതൽ 7.89 ലക്ഷം വരെയാണ് വില.

ആൻഡ്രോയിഡ് ഓട്ടോ, ആപ്പിൾ കാർ പ്ലെ എന്നിവയടക്കമുള്ള ടച്ച് സ്ക്രീൻ സിസ്റ്റം, റിവേഴ്സ് പാർക്കിങ് സിസ്റ്റം, എബിഎസ്, ഡ്യുവൽ എയർബാഗ് എന്നിവ പ്രധാന സവിശേഷതകളാണ്.

ഏറ്റവും ആദ്യം ഇന്ത്യൻ വിപണിയിലെത്തിയ ക്രോസ്ഓവർ ഹാച്ച്ബാക്ക് ആണ് ഐ20 ആക്ടീവ്. ഡൽഹി എക്സ്ഷോറൂം 7.05 ലക്ഷം മുതൽ 10.07 ലക്ഷം വരെയാണ് വില. 1.2 ലിറ്റർ പെട്രോൾ, 1.4 ലിറ്റർ ഡീസൽ എന്നിവയാണ് കരുത്ത് പകരുന്നത്. പുതുക്കിയ ഗ്രിൽ, ബമ്പർ, എൽഇഡി ഡെ ടൈം റണ്ണിങ് ലാമ്പുകൾ, പുതിയ ടച്ച് സ്ക്രീൻ സിസ്റ്റം എന്നിവ പ്രധാന സവിശേഷതകളാണ്.

ഏറ്റവും ഒടുവിലായി ഇന്ത്യൻ വിപണിയിൽ അവതരിച്ച ക്രോസ്ഓവർ ഹാച്ച്ബാക്ക് ആണ് ടിയാഗോ എൻആർജി. ഡൽഹി എക്സ്ഷോറൂം 5.5 ലക്ഷം മുതൽ 6.32 ലക്ഷം രൂപ വരെയാണ് ഈ വാഹനത്തിന്‍റെ വില. 1.2 ലിറ്റർ റെവോട്രോൺ പെട്രോൾ, 1.05 ലിറ്റർ റെവോടോർക്ക് ഡീസൽ എന്നിവയാണ് ടിയാഗോ എൻആർജിക്ക് കരുത്തേകുന്നത്. 5 സ്പീഡ് മാനുവലാണ് ഗിയർബോക്സ്.

ബ്ലാക്ക് റൂഫ് റെയിലുകൾ, ബ്ലാക്ക് ക്ലാഡിങ്, സൈഡ് സ്കർട്ടുകൾ, റിയർ ബമ്പറിലെ സ്കിസ് പ്ലേറ്റ് എന്നിവ സ്റ്റൈലിങ് ഫീച്ചറുകളാണ്. സ്റ്റാൻഡേർഡ് ടിയാഗോയെക്കാൾ വലുപ്പവും നീളവും ഗ്രൗണ്ട് ക്ലിയറൻസും അധികമുണ്ട് ക്രോസ്ഓവർ മോഡലിന്.