ദീർഘകാലം സന്തോഷത്തോടെ ജീവിക്കാൻ ശാരീരികമായി ആക്ടീവായി ഇരിക്കേണ്ടത് ഏറെ പ്രധാനമാണ്. ശരീരത്തിനും ആരോഗ്യത്തിനും അനുയോജ്യമായ വ്യായാമങ്ങൾ തിരഞ്ഞെടുക്കാൻ ശ്രമിക്കുക. ദിവസവും 15 മിനിറ്റെങ്കിലും വ്യായാമത്തിന് മാറ്റി വയ്ക്കുക.
പുകവലി ആരോഗ്യത്തിന് ഹാനികരമാണെന്ന് എല്ലാവർക്കുമറിയാം. ചെറുപ്പം മുതൽ ആരംഭിക്കുന്ന ഈ ശീലം പലപ്പോഴും പല തരത്തിലുള്ള ആരോഗ്യ പ്രശ്നങ്ങളിലേക്ക് നയിക്കും. നിരന്തരമായി പുകവലിക്കുന്നവർക്ക് അവരുടെ ആയുസിൽ നിന്ന് ഏകദേശം 10 വർഷമാണ് കുറയുന്നതെന്ന് പഠനങ്ങൾ പറയുന്നു.
ശരീരത്തെയും മനസിനെയും ഒരുപോലെ തളർത്തുന്നതാണ് മാനസിക സമ്മർദ്ദം. ആയുസ് കുറയ്ക്കാൻ മാനസിക സമ്മർദ്ദം കാരണമാകും. സമ്മർദ്ദം കൂടുതലുള്ള സ്ത്രീകൾക്ക് ഹൃദ്രോഗത്തിനുള്ള സാധ്യതയും കൂടുന്നുണ്ട്.
മനസിന് നല്ലത് തരുന്ന ബന്ധങ്ങൾ മാത്രം ജീവിതത്തിൽ സൂക്ഷിക്കാൻ ശ്രമിക്കുക. ഇത് സന്തോഷത്തോടെ ദീർഘകാലം ജീവിക്കാൻ നിങ്ങളെയും സഹായിക്കും. നല്ല സാമൂിഹക ബന്ധങ്ങൾ സൂക്ഷിക്കുന്നവർ 50 ശതമാനം കൂടുതൽ ജീവിക്കുമെന്ന് പഠനങ്ങൾ പറയുന്നു.
ആരോഗ്യത്തിന് ഏറ്റവും പ്രധാനമായി ആവശ്യമുള്ളതാണ് ഉറക്കം. ദിവസം 7 മുതൽ 8 മണിക്കൂർ എങ്കിലും ഉറങ്ങേണ്ടത് ഏറെ പ്രധാനമാണ്. ദിവസവും കൃത്യ സമയത്ത് ഉറങ്ങാനും എണീക്കാനും ശ്രമിക്കുക.
ഓരോ പ്രായത്തിലും ഓരോ തരത്തിലുള്ള ഭക്ഷണമാണ് ശരീരത്തിന് ആവശ്യം. പോഷകങ്ങൾ നിറഞ്ഞ ഭക്ഷണം കഴിക്കാൻ ശ്രദ്ധിക്കുക. പഴങ്ങളും നട്സുകളുമൊക്കെ ഭക്ഷണക്രമത്തിൽ ഉൾപ്പെടുത്തുക.
നിരന്തമായോ അല്ലെങ്കിൽ വലപ്പോഴും മദ്യപിക്കുന്ന സ്വഭാവമുള്ളവർ അത് ഒഴിവാക്കാൻ ശ്രമിക്കുക. ചെറിയ രീതിയിലുള്ള മദ്യപാനം പോലും ചെറുപ്പത്തിലെ പല ആരോഗ്യ പ്രശ്നങ്ങൾക്കും കാരണമാകാറുണ്ട്.