കണ്ണാടി പോലുളള കൊറിയന്‍ ചര്‍മം നാച്വറല്‍ വഴികളിലൂടെ നേടാം

നമുക്ക് വീട്ടില്‍ തന്നെ ചെയ്യാവുന്ന ചില കാര്യങ്ങളുണ്ട്, ഇത്തരത്തില്‍ തിളങ്ങുന്ന, പ്രായക്കുറവ് തോന്നിപ്പിയ്ക്കുന്ന ചര്‍മം നേടുവാന്‍. ഇവയെന്തെന്ന് അറിയൂ.

കഞ്ഞിവെള്ളം, പ്രത്യേകിച്ചും പുളിപ്പിച്ച, അതായത് ഫെര്‍മന്റ് ചെയ്ത കഞ്ഞിവെള്ളം മുഖത്ത് പുരട്ടുന്നത് ഏറെ നല്ലതാണ്. ഇത് ചര്‍മത്തിന് തിളക്കം നല്‍കുന്നു, സൂര്യന്റെ അള്‍ട്രാവയലറ്റ് രശ്മികള്‍ ഏല്‍ക്കുമ്പോഴുള്ള കരുവാളിപ്പ് തടയുന്നു.

തേന്‍ കൊറിയക്കാരുടെ സൗന്ദര്യ സംരക്ഷണത്തിലെ മറ്റൊരു വഴിയാണ്. ആന്റി ഓക്‌സിഡന്റ് സമ്പുഷ്ടമായ തേന്‍ ചര്‍മത്തിന് ചെറുപ്പവും തിളക്കവും നല്‍കുന്ന ഒന്നാണ്.

ചര്‍മത്തെ മൃദുവാക്കുന്നതിനും തിളക്കമുള്ളതാക്കുന്നതിനും സ്‌ക്രബുകള്‍ പ്രധാനമാണ്. ഇതിന് നാച്വറല്‍ സ്‌ക്രബറുകള്‍ ഉപയോഗിയ്ക്കാം. പഞ്ചസാര, അരിപ്പൊടി എന്നിവ ഉപയോഗിയ്ക്കാം. തേനില്‍ പഞ്ചസാര കലര്‍ത്തി ഉപയോഗിയ്ക്കാം, നാരങ്ങാനീരില്‍ കലര്‍ത്തി ഉപയോഗിയ്ക്കാം. അരിപ്പൊടിയും സ്‌ക്രബറായി ഉപയോഗിയ്ക്കാവുന്ന ഒന്നാണ്.

വൈറ്റമിന്‍ ഇ , സി സെറം ഉപയോഗിയ്ക്കാം. ഇവ റെഡിമെയ്ഡായി വാങ്ങാന്‍ സാധിയ്ക്കും. ഇതല്ലെങ്കില്‍ സ്വാഭാവിക രീതിയിലുള്ളവയും ഉണ്ട്. ഓറഞ്ച് വൈറ്റമിന്‍ സി സമ്പുഷ്ടമാണ്. കറ്റാര്‍ വാഴ ജെല്‍ വൈറ്റമിന്‍ ഇ സമ്പുഷ്ടമാണ്. ഇവ ഉപയോഗിച്ച് തയ്യാറാക്കുന്ന സെറം, ഇതല്ലെങ്കില്‍ ഇവ പുരട്ടാം.

ഇവ കൂടാതെയുള്ള ചര്‍മസംരക്ഷണവും പ്രധാനം. ചര്‍മം ഡബിള്‍ ക്ലെന്‍സ് ചെയ്യാം. പിന്നീട് ഇത് എക്‌സ്‌ഫോളിയേറ്റ് ചെയ്യാം. ചര്‍മം വൃത്തിയാകാന്‍ ക്ലെന്‍സിംഗും എക്‌സ്‌ഫോളിയേഷന്‍ മൃതകോശങ്ങള്‍ നീക്കാനും ഉപകരിയ്ക്കും.

ക്ലെന്‍സിംഗിന് പാല്‍ സ്വാഭാവിക ചേരുവയാണ്. എക്‌സ്‌ഫോളിയേറ്റ് ചെയ്യാന്‍ സ്വാഭാവിക സ്‌ക്രബറുകള്‍ ഉപയോഗിയ്ക്കാം. മുഖത്ത് സെറം പുരട്ടാം. പിന്നീട് മോയിസ്ചറൈസറും സണ്‍സ്‌ക്രീനും പുരട്ടാം.

ചര്‍മത്തിന് തിളക്കവും മിനുസവും നല്‍കാന്‍, പ്രായക്കുറവ് തോന്നിപ്പിയ്ക്കാന്‍ ഉള്ളില്‍ നിന്നുള്ള പോഷകങ്ങളും പ്രധാനം. പച്ചക്കറികള്‍, പഴങ്ങള്‍ എന്നിവ കഴിയ്ക്കാം. ധാരാളം വെള്ളം കുടിയ്ക്കാം. നട്‌സ് നല്ലതാണ്.