വീട്ടില് തന്നെ തയ്യാറാക്കാവുന്ന നാച്വറല് ഷാംപൂവിനെ കുറിച്ചറിയാം. ഇതെങ്ങനെ തയ്യാറാക്കാമെന്നറിയൂ.
ഇതിനായി വേണ്ടത് നെല്ലിക്കാപ്പൊടി, റീത്ത പൗഡര്, ഷിക്കാക്കായ് പൗഡര്, ഫ്ളാക്സ് സീഡ്സ്, ഉലുവ എന്നിവയാണ്.
നെല്ലിക്കാപ്പൊടി, റീത്ത, ഷീക്കാക്കായ് പൊടികള് 50 ഗ്രാം എടുക്കാം. ഇവ മൂന്നും ചേര്ത്തോ ഇതല്ലെങ്കില് വെവ്വേറെയോ എടുക്കാം. മൂന്നും 50 ഗ്രാം വീതം വേണം.
2 ടേബിള് സ്പൂണ് ഫ്ളാക്സ് സീഡ് എടുക്കാം. ഇത് മുടിയുടെ ആരോഗ്യത്തിന് മികച്ചതാണ്. മുടിയ്ക്ക് കരുത്തും തിളക്കവും മിനുസവും നല്കുന്ന ഒന്നാണിത്.
ഇതിലേയ്ക്ക് ഉലുവ ഒരു ടേബിള്സ്പൂണ് വേണം. ഉലുവ നാച്വറല് ക്ലെന്സറാണ്. മുടിയ്ക്ക് ഷാംപൂ, കണ്ടീഷണര് ഗുണം ഒരുപോലെ നല്കുന്ന ഒന്ന്.
ഇവയെല്ലാം 4 കപ്പ് വെളളത്തിലിടുക. ഇത് കുറഞ്ഞ തീയില് തിളപ്പിച്ച് എടുക്കാം. കൊഴുപ്പുള്ള ദ്രാവകമാണ് ലഭിയ്ക്കുക. ഇത് പിന്നീട് നല്ലതുപോലെ അരിച്ചെടുക്കാം. തുണി വച്ച് അരിച്ചാലാണ് നല്ലതുപോലെ ലഭിയ്ക്കുക.
ഇതില് നിന്നും രണ്ടുമൂന്ന് ടീസ്പൂണ് എടുത്ത് അല്പം വെള്ളം ചേര്ത്ത് പതപ്പിച്ച് തലയില് തേച്ച് കഴുകാം. ബാക്കിയുള്ളത് ഐസ് ട്രേയില് ഒഴിച്ച് ഐസ് ക്യൂബാക്കി സൂക്ഷിയ്ക്കാം.
ആവശ്യം വരുമ്പോള് ഒന്നോ രണ്ടോ ക്യൂബ് ചൂടുവെള്ളത്തില് കലക്കി തണുപ്പ് പാകത്തിനാക്കി ഷാംപൂ ആയി ഉപയോഗിയ്ക്കുകയോ നേരത്തെ ക്യൂബ് പുറത്തെടുത്ത് വച്ച് ഇത് ഉരുകി തണുപ്പ് മാറുമ്പോള് തലയില് തേയ്ക്കുകയോ ചെയ്യാം.